Costco ရွှေချောင်းများ နာရီပိုင်းအတွင်း အကုန်ရောင်းထွက်သွား
To Get Instant Update
https://t.me/Guid4U
JOIN THE CHANNEL
Costco ဟု အတိုကောက် ခေါ်ဝေါ်သည့် Costco Wholesale Corporation သည် ကုန်လှောင်ရုံမှ တိုက်ရိုက် ရောင်းချပြီး အဖွဲ့ဝင်များသာ membership-only ဝယ်ယူနိုင်သည်။ ၂၀၂၂ ခုနှစ်တွင် Costco သည် ကမ္ဘာပေါ်တွင် ပဉ္စမမြောက်အကြီးဆုံး လက်လီရောင်းချသူဖြစ်သည်။
Costco သည် အစားအသောက်မှအစ ခရီးဆောင်အိတ်အထိ ပစ္စည်းအမျိုးမျိုးအတွက် လျှော့စျေးဖြင့် ရရှိသည့်နေရာအဖြစ် လူသိများသည်။ ယခုအခါ ရွှေချောင်းများ ရောင်းချသဖြင့် အမျိုးအမည် အသစ်တခု တိုးသွားသည်။
လက်လီအရောင်း ကုန်လှောင်ရုံ မဟာလုပ်ငန်းကြီး Costco က တစ်အောင်စ အလေးချိန်ရှိ အသေးစိတ် ပုံတံဆိပ် ခပ်နှိပ်ထားသည့် PAMP Suisse Lady Fortuna Veriscan ရွှေချောင်းများ စတင်ရောင်းချခဲ့သည်။
၎င်း ရွှေချောင်းများကို အွန်လိုင်းပေါ်မှာသာ ရောင်းချခဲ့သည်။ နှစ်စဉ်ကြေး ကန်ဒေါ်လာ ၆၀ သို့မဟုတ် ကန်ဒေါ်လာ ၁၂၀ ပေးသွင်းရသည့် အဖွဲ့ဝင်များကိုသာ ရောင်းချသည်။
Costco မှ စီစဉ်ပေးထားသည့် အစီအစဉ်အရ နှစ်စဉ်ကြေး နှစ်မျိုးအနက် နှစ်သက်ရာကို ရွေးချယ်နိုင်သည်။
အဖွဲ့ဝင်တဦးလျှင် ရွှေချောင်း ၂ ချောင်းအထိသာ ဝယ်ခွင့်ပြုသည်။
ဈေးနှုန်းမှာ တအောင်စ ရွှေချောင်း တချောင်းလျှင် $1,900 ဖြစ်သည်။
Costco ရွှေချောင်းများ ရောင်းချသည့်နေ့ မွန်းလွဲပိုင်းတွင် ကမ္ဘာ့ရွှေဈေး တအောင်စ $1,876.56 ပေါက်ဈေး ဖြစ်ပေါ်နေသည်။ သို့ဖြစ်ရာ Costco တအောင်စ ရွှေချောင်းက ဈေးပိုများနေသော်လည်း Costco အဖွဲ့ဝင်များက အလုအယက် ဝယ်ယူကြသည်ဟု Costco ဘဏ္ဍာရေးအရာရှိချုပ် Richard Galanti က ပြောကြားသည်။ နာရီပိုင်းအတွင်း အကုန်လုံး ရောင်းလို့ ကုန်သွားကြောင်း သူက ပြောသည်။
Source cnbc
To Get Instant Update
https://t.me/Guid4U
JOIN THE CHANNEL
