နဝရတ်(၉) ပါး စာရင်းဝင်ဥဿဖယားကျောက်

နဝရတ်(၉) ပါး စာရင်းဝင်ဥဿဖယားကျောက်

Gold & Jewellery ပရိတ်သတ်ကြီးကို ဥဿဖယား ကျောက် အကြောင်းလေးကို မျှဝေပေးချင်ပါတယ်နော်။

 

ဥဿဖယားကျောက် ( ခေါ်) Topaz ကျောက်မျက်လေးဟာ နဝရတ်(၉) ပါး စာရင်းဝင်ကျောက်လေးတစ်မျိုး ဖြစ်ပါတယ်။ ဓာတုဖွဲ့စည်းမှုမှာ ဖလူအို ဆီလီကိတ်ဖြစ်ပြီး အလူမီနီယံ ဓာတ်စင်ရောနှောပါဝင်သည်။ ပုံဆောင်စနစ်မှာ ရွမ်းဘတ်စနစ်ဖြစ်ပြီး မာဆင့် ၈ ရှိသည်။ ရောင်လက်မှာ ဖန်ရောင်လက်ဖြစ်၍ သိပ်သည်းဆ ၃.၅၃ မှ ၃.၅၆ ထိရှိပါသည်။ အရောင်ကွဲမြောက်များစွာရှိတတ်ပါသည်။

 

File:Topaze Brésil.jpg - Wikimedia Commons

 

ကျောက်မျက်အရောင်းအဝယ်လောကတွင် ညိုဝါရောင် ဥဿဖယားသည် လူကြိုက်များ ဖြစ်ပါတယ်။ ထို့ပြင် အရောင်မရှိတဲ့ ဥဿဖယားကျောက်လည်းရှိသလို အပြာနုရောင် ဥဿဖယားများလည်း များစွာ တွေ့ရှိရပါတယ်။ အပြာနုရောင် ဥဿဖယားများကိုတော့ ရောင်ခြည်ဖြင့်ပြုပြင်ထားခြင်းဖြစ်ပါတယ်။ ပြုပြင်ထားတဲ့ ဥဿဖယားများကို သာမာန်ကျောက်မျက်စစ်ကိရိယာများဖြင့် စစ်ဆေးရုံမျှဖြင့် မူလအရောင်ကို မသိနိုင်ပါဘူး။

 

 

Topaz – Jewelry And Gemstone Information Guide for Consumers

 

ဥဿဖယားကို ကျောက်တွင်းတွေမှာ အလွန်ပေါများစွာတွေ့ရှိရတဲ့ ကျောက်မျိုးဖြစ်ပြီး သန့်စင်ပြီး အရွယ်အစားအထူးကြီးမာတဲ့ ဥဿဖယားများကိုလည်း တွေ့ရတတ်ပါတယ်။ ဥဿဖယားကို ပေါ့ဆစွာကိုင်တွယ်ပါက အလွယ်တကူကွဲအက်သွားနိုင်သည့်အတွက် သတိထားကိုင်တွယ်ရလေ့ရှိပါတယ်။

 

ဂုဏ်သတ္တိများ

 

ဥဿဖယားကို ဆင်မြန်းခြင်းဖြင့်

- ကျန်းမာစေခြင်း၊

- မူးဝေခြင်းကို ကုသပေးနိုင်ခြင်း၊

- ကံကောင်းလင်းလက်စေခြင်း၊

- ဖြူစင်သန့်ရှင်းစေခြင်း၊

- အိမ်မက်လှလှမက်စေခြင်း စသောအကျိုးကျေးဇူးများကို ပေးစွမ်းနိုင်ပြီး ကြာသပတေး သားသမီးတွေအတွက် အဆောင်ကျောက်မျက်ရတနာလေးပဲ ဖြစ်ပါတယ်။

 

ထွက်ရှိရာဒေသ


အဓိကအားဖြင့် ဘရာဇီးနိုင်ငံသည် ဥဿဖယားများကို ဦးဆောင်ထုတ်လုပ်သည့် နိုင်ငံဖြစ်ပြီး အမေရိကန်ပြည်ထောင်စု ၊ ဩစတြေးလျ ၊ မက္ကဆီကို ၊ ယူနိုက်တက်ကင်းဒမ်း နှင့် မြန်မာ နိုင်ငံတို့တွင်လည်း အတော်အတန်ထွက်ရှိပါတယ်။

 

 

Source: Wikipedia

 

Read times Last modified on Wednesday, 02 September 2020 12:24
Rate this item
(3 votes)