ဘယ်လိုအပြုအမူမျိုးကိုဖောက်ပြန်တယ်လို့ခေါ်တာလဲ ?
လူတစ်ယောက်နဲ့တစ်ယောက် ကန့်သတ်ထားတဲ့ပုံစံခြင်းကတော့မတူကြပါဘူး။
တချို့က မျက်လုံးကစားတာ (တစ်နည်းအားဖြင့်အကြည်ဆိုက်တာ)ကို လက်ခံနိုင်ကြပေမယ့် တချို့ကတော့ စိတ်ထဲမှာမရိုးသားလို့ဒီလိုလုပ်တာဆိုပြီး ကန့်ကွက်ကြပါတယ်။ ကိုယ့်ချစ်သူ၊ ရည်းစား၊ အိမ်ထောင်ဖက်မဟုတ်တဲ့ တစ်ခြားလူတစ်ယောက်နဲ့ အတူအိပ်တာက ဖောက်ပြန်တာသေချာပေမယ့် ဘယ်လိုအပြုအမူမျိုးတွေကိုကော ဖောက်ပြန်တယ်လို့သတ်မှတ်လို့ရနိုင်သေးလဲဆိုတာ ကြည့်လိုက်ရအောင်နော်။
(၁) ရုပ်ပိုင်းဆိုင်ရာဖောက်ပြန်တာ
ဒီအချက်ကတော့ အံ့သြစရာကောင်းသလောက် တော်တော်လည်းမှန်တဲ့အချက်တစ်ချက်ပါ။ ကိုယ့်ချစ်သူမဟုတ်တဲ့သူနဲ့ ရုပ်ပိုင်းဆိုင်ရာအရမ်းရင်းနှီးအောင် ဖက်လှဲတကင်းဆက်ဆံတာဟာ ဖောက်ပြန်တာလို့ပြောလို့ရပါတယ်။ ကိုယ့်ချစ်သူထက် သူ့အပေါ်မှာပိုပြီးသာယာနေတဲ့သဘောကိုက ဖောက်ပြန်တယ်လို့သတ်မှတ်လို့ရပါတယ်။
(၂) တခြားတစ်ယောက်ကိုစိတ်ကူးယဉ်နေတာ
ကိုယ်ချစ်ခင်လေးစား အားကျရတဲ့လူတွေနဲ့ခင်ချင်တာ၊ သူတို့လိုဖြစ်ချင်တယ်ဆိုပြီး စိတ်ကူးယဉ်တာတွေကတော့ ချစ်သူရှိတာ မရှိတာနဲ့မဆိုင်ပါဘူး။ ဒါပေမယ့် ကိုယ့်ချစ်သူမဟုတ်တဲ့ တခြားတစ်ယောက်ကို မရိုးသားတဲ့စိတ်နဲ့ စိတ်ကူးယဉ်တာကတော့ ဖောက်ပြန်ခြင်းတစ်မျိုးပါပဲ။ ကိုယ့်ရဲ့စိတ်တွေက ကိုယ့်ချစ်သူအပေါ်မှာရှိမနေဘဲ တခြားတစ်ယောက်အကြောင်းကိုပဲတွေးနေတယ်ဆိုရင် ဖောက်ပြန်တယ်လို့သတ်မှတ်လို့ရပါတယ်။
(၃) တခြားတစ်ယောက်ကိုချစ်နေတာ
ဒါကတော့ရှင်းပါတယ်။ ကိုယ့်ချစ်သူမဟုတ်တဲ့ တခြားတစ်ယောက်ကိုချစ်နေတယ်ကတော့ ဖောက်ပြန်တယ်ဆိုတာ လူတိုင်းသိပါတယ်။ ချစ်သူရည်းစားတစ်ယောက်ထက်ပိုပြီးထားတာက ရာဇ၀တ်မှုကျူးလွန်တာတော့မဟုတ်ပေမယ့် သစ္စာမရှိတာကိုတော့ပေါ်လွင်စေပါတယ်။ ဒီလိုအကျင့်မျိုးရှိတဲ့သူကို အိမ်ထောင်ပြုလိုက်ရင် ဘယ်အချိန်မှာ သစ္စာဖောက်ခံရမလဲဆိုပြီး စိုးရိမ်တကြီးနဲ့နေ နေရမှာပါ။
(၄) ငွေကြေးတိတ်တဆိတ်သုံးစွဲတာ
ကိုယ်ဘာသုံးသုံးကိုယ့်ချစ်သူရည်းစားကို အသိပေးရမယ်လို့ဆိုလိုတာမဟုတ်ပေမယ့် သူမသိအောင် တိတ်တဆိတ်ဖြုန်းတီးနေတာဟာလည်း ဖောက်ပြန်ခြင်းတစ်မျိုးထဲမှာပါဝင်ပါတယ်တဲ့။ ကိုယ့်ပိုက်ဆံနဲ့ကိုယ်လိုရာသုံးတာဘာမှမဖြစ်ပါဘူး။ ဒါပေမယ့် ကိုယ်သုံးစွဲလိုက်တဲ့ငွေကြေးကြောင့်နှစ်ယောက်စလုံးထိခိုက်နစ်နာရမယ့် အခြေအနေမျိုးဆိုရင်တော့ ဖောက်ပြန်တယ်လို့သတ်မှတ်လို့ရပါတယ်။
(၅) ဆိုရှယ်မီဒီယာကိုချစ်သူမသိအောင်သုံးစွဲတာ
အခုခေတ်မှာလူတိုင်းကတော့ ဖေ့စ်ဘုတ်၊ အင်စတာဂရမ်၊ တွစ်တာ အစရှိတဲ့ဆိုရှယ်မီဒီယာတွေကိုတွင်တွင်ကျယ်ကျယ်သုံးစွဲနေကြပါတယ်။ ချစ်သူစုံတွဲတွေအတွက် ဆိုရှယ်မီဒီယာကို သမားရိုးကျသုံးစွဲတာကအဆင်ပြေပေမယ့် ဖေ့စ်ဘုတ်ပေါ်မှာ ရည်းစားဟောင်းရဲ့ပို့စ်တွေကို Like တွေပေးနေတာ၊ တခြားကောင်မလေးတွေနဲ့ အီစီကလီလုပ်နေတာတွေကတော့ ဖောက်ပြန်ခြင်းတစ်မျိုးပါပဲ။
Read More: အသက်အရွယ်သိပ်မကွာတဲ့ချစ်သူစုံတွဲတွေက ဘာကြောင့်ပိုပြီးလိုက်ဖက်ညီရတာလဲ
