မြန်မာနိုင်ငံကျောက်မျက်ရတနာအသင်းချုပ်က နေပြည်တော်၊ ရွှေကြာပင်တွင် ဖွင့်လှစ်ထားသော ကျောက်မျက်ရတနာ သင်တန်းကျောင်းအတွက် ပညာရေး ဝန်ကြီးဌာန၊ အမျိုးသားသင်ရိုးညွှန်းတမ်းကော်မတီ (National Curriculum Committee) အသိအမှတ်ပြု Competency Based Curriculum သင်ရိုးညွှန်းတမ်း ရေးဆွဲလိုပါသဖြင့် ကျွမ်းကျင်မှုနှင့် စိတ်ပါဝင်စားမှုရှိသော Consulting Service Firm/Company များ၊ အသိပညာရှင်၊ အတတ်ပညာရှင်များအား စိတ်ဝင်စားမှု အဆိုပြုလွှာ (Letter of Interest) တင်သွင်းရန် ဖိတ်ခေါ်ပါသည်။

ကချင်ပြည်နယ်၊ ဖားကန့်ဒေသရှိ လုံးခင်း/ဖားကန့် ရတနာနယ်မြေအတွင်း ဒုတိယအကြိမ်အဖြစ် ကျောက်စိမ်းတူးဖော်ရန် လက်လုပ်လက်စား လုပ်ကွက် (၂၈၆) ကွက်အား ခွင့်ပြုချထားပေးနိုင်ရေးအတွက် အဆိုပြု လျှောက်လွှာများကို မော်ဝမ်းရပ်ကွက်ရှိ စုပေါင်းရုံးအဝင် OSS (One Stop Service) ရုံး၌ သြဂုတ် ၂၄ ရက်နေ့မှ စတင်၍ စိစစ်ရောင်းချပေးတော့မည်ဖြစ်ကြောင်း မြို့နယ်အထွေထွေအုပ်ချုပ်ရေးဦးစီးဌာနမှ သိရသည်။

၂၀၂၀ ပြည့်နှစ်ဇန်နဝါရီလတွင် ကျင်းပခဲ့သည့် မြန်မာကျပ်ငွေဖြင့် ကျောက်မျက်ရတနာများရောင်းချပွဲတွင် ရောင်းချခဲ့ရပြီး သတ်မှတ်ရက်အတွင်းငွေပေးချေခြင်းမရှိသော ကျောက်စိမ်းတွဲပေါင်း ၅၀၀ ကျော်ရှိကြောင်း၊ အဆိုပါ ငွေပေးချေခြင်းမရှိသော အရောင်းအဝယ်ပျက်သွားသည့် ကျောက်စိမ်းတွဲများကို သြဂုတ် ၂၈ ရက်တွင် နောက်ဆုံးထား၍ ပြန်လည်ထုတ်ယူရမည်ဖြစ်ကြောင်း သိရပါတယ်။

ပြည်တွင်းကူးစက်မှု ပြန်လည်တွေ့လာပြီးနောက် COVID-19 ရောဂါ ကာကွယ်ထိန်းချုပ်နိုင်ရေးအတွက် အကန့်အသတ်ဖြင့် ဖွင့်လှစ်ခွင့်ပြုထားသော မန္တလေး ကျောက်ဝိုင်းအား သြဂုတ်(၂၇)ရက်မှ စတင်ကာ ပြန်လည်ပိတ်သိမ်းစေမည် ဖြစ်ကြောင်း နှင့် Lockdown မကြုံလိုလျှင် စည်းကမ်းလိုက်နာကြရန် မြို့တော်ဝန် သတိပေးကြောင်းသိရပါတယ်။ မန္တလေးမြို့တော်ဝန် ဒေါက်တာရဲလွင်က ပြောသည်။