တွဲလက်တွေခိုင်မြဲစေဖို့

တွဲလက်တွေခိုင်မြဲစေဖို့ google

အခုနောက်ပိုင်းတစ်ယောက်နဲ့တစ်ယောက်ချစ်ကြတဲ့အခါ ကြာရှည်ခံတဲ့အချစ်ရေးမျိုးဖြစ်ဖို့ အရင်ကထက်ပိုခက်ခဲလာတာကိုတွေ့ရပါတယ်။

အချစ်ရေးမှာ ပျော်ရွှင်ပြီး ၊ လက်တွဲတွေခိုင်မြဲနေတဲ့ စုံတွဲတွေမှာ ဘယ်လိုလျှို့ဝှက်ချက်တွေများရှိနေမလဲဆိုတာကလည်း တော်တော်စိတ်ဝင်စားဖို့ကောင်းပါတယ်။ တကယ်တော့ ရေရှည်လက်တွဲခိုင်မြဲနေတဲ့အချစ်ရေးဆိုတာ ဒီလိုမျိုးတွေပါ။

 

ခွင့်လွှတ်နားလည်ခြင်းနဲ့တည်ဆောက်ထားတဲ့အချစ်ရေး

အချစ်ရေးမှာအလိုအပ်ဆုံးကနားလည်မှုပါ။ ကျူးလွန်ဖူးတဲ့အမှားတွေကို ခွင့်မလွှတ်ဘဲတေးမှတ်ထားတာမျိုးက ၊ နားလည်မှုမရှိဘဲအတ္တကြီးတာမျိုးက အချစ်ရေးမှာအဆင်မပြေမှုတွေဖြစ်စေပါတယ်။ ခွင့်လွှတ်နားလည်ခြင်းဆိုရာမှာလည်း တစ်ယောက်တည်းကပဲနားလည်နေတာမျိုး၊ ခွင့်လွှတ်နေတာမျိုးဆိုရင်လည်း မဟုတ်သေးပါဘူး၊ အပြန်အလှန်နားလည်မှုရှိဖို့ခွင့်လွှတ်ဖို့လိုပါတယ်။

 

နွေးထွေးမှုနဲ့တည်ဆောက်ထားတဲ့အချစ်ရေး

အချစ်ထက်ရေရှည်တည်တံ့တာက နွေးထွေးမှုနဲ့မေတ္တာပါ။ တစ်ယောက်နဲ့တစ်ယောက်ကြား နွေးထွေးမှုနဲ့တည်ဆောက်ထားတဲ့အချစ်ရေးက ထင်ထားတာထက်ရေရှည်တည်တံ့နိုင်ပါတယ်။

 

ယုံကြည်မှုနဲ့တည်ဆောက်ထားတဲ့အချစ်ရေး

အချစ်ရေးမှာ အပြန်အလှန်ယုံကြည်မှုမရှိရင် ရှေ့ဆက်ကြဖို့သိပ်မလွယ်ပါဘူး။ လွယ်လွယ်နဲ့ပြိုကွဲသွားတဲ့အချစ်ရေးတစ်ခုကြည့်လိုက်ရင် တစ်ယောက်နဲ့တစ်ယောက် ယုံကြည်မှုမရှိကြတာကိုတွေ့ရပါတယ်။ ဒီတော့ အချစ်ရေးတစ်ခုတည်တံ့ဖို့ ယုံကြည်မှုနဲ့တည်ဆောက်ထားဖို့လိုပါတယ်။

 

အနာဂတ်အစီအစဉ်ရှိတဲ့အချစ်ရေး

တစ်ယောက်နဲ့တစ်ယောက်ချစ်ကြရုံနဲ့ ရေရှည်လက်တွဲနိုင်ဖို့ဆိုရင် သေချာတဲ့အနာဂတ်အစီအစဉ်ရှိဖို့လိုပါတယ်။ အနာဂတ်အစီအစဉ်ရှိပြီး အတူတကွကြိုးစားနေကြတဲ့အချစ်ရေးမျိုးကလည်း ရေရှည်တည်တံ့နိုင်တဲ့အချစ်ရေးမျိုးပါ။

 

တစ်ယောက်နဲ့တစ်ယောက်ဖေးမခြင်းနဲ့တည်ဆောက်ထားတဲ့အချစ်ရေး

တကယ်ချစ်တယ်ဆိုတာ တစ်ယောက်ရဲ့ အကောင်းဆုံးအချက်တွေကို သဘောကျပြီး ဆွဲဆောင်ထားတာမျိုးမဟုတ်ဘဲ၊ အားနည်းချက်တွေသိနေတာတောင် လက်တွဲမဖြုတ်ဘဲရှေ့ဆက်နေတာမျိုးပါ။ တစ်ယောက်ရဲ့အားနည်းချက်တွေကိုတစ်ယောက်ကသိပြီး အပြန်အလှန်ဖေးမကြတဲ့သူတွေကလက်တွဲခိုင်မြဲကြတဲ့စုံတွဲလေးတွေဖြစ်လာကြတာပါ။

 

Source : Auntymay

Myanmar Wedding Guide

Read 283 times Last modified on Monday, 25 February 2019 16:46
Rate this item
(1 Vote)