မင်္ဂလာဆောင်တော့မယ့် ချစ်သူစုံတွဲတွေတိုင်းအတွက် မင်္ဂလာဆောင်တစ်ခု ဖြစ်ဖို့ဆိုတာမလွယ်ပါဘူးနော်။
မင်္ဂလာဆောင်ဖူးတဲ့သူတွေကို မေးကြည့်သလောက် " ပိုက်ဆံတွေ ကုန်လိုက်တာမှ သောက်သောက်လဲ " ဆိုတာ အရင်ကြားတော့လန့်လန့် သွားတာပေါ့။ တချို့တွေကတော့ပြောတယ် " အဲ့လောက်လဲ မကုန်ပါဘူးတဲ့ " ဒီတော့ စဉ်းစားရပြီလေ။ လူတိုင်းကတော့ ကိုယ့်မင်္ဂလာပွဲအတွက်သုံးမယ့်ပမာဏကို ကြိုပြီးသတ်မှတ်ထားတတ်ပါတယ်။ ဒါပေမယ့် ဘယ်နေရာမှာဘယ်လောက်သုံးမလဲဆိုတာ တိတိကျကျမသတ်မှတ်ထားတဲ့အခါကျတော့ ကိုယ်မှန်းထား၊ စုဆောင်းထားတဲ့ပမာဏထက် ပိုပြီး ပိုက်ဆံတွေအရမ်းကုန်ကြတာတွေရှိတတ်ပါတယ်။ တချို့တွေကတော့ ဘာအတွက် ဘယ်လောက်သုံးမလဲဆိုတာ စနစ်တကျသတ်မှတ်ထားတော့ ကိုယ်စုဆောင်းထားတဲ့ ပမာဏဘောင်ထဲဝင်ပြီး အဆင်ပြေကြတာလည်းရှိတော့ ချစ်သူစုံတွဲတွေအနေနဲ့ မင်္ဂလာဆောင်ဖို့စီစဉ်တဲ့အခါ သတ်မှတ်ထားတာထက်ပိုမကုန်အောင် ဘယ်လိုလုပ်သင့်သလဲဆိုတာပြောပြပေးပါ့မယ်။
မင်္ဂလာပွဲဖြစ်မြောက်ရေး ၄၅%
ကိုယ်သတ်မှတ်ထားတဲ့ ငွေပမာဏရဲ့ ၄၅ % ကို မင်္ဂလာပွဲဖြစ်မြောက်ရေးအတွက်သုံးရပါမယ်။ အဲဒီ့ထဲမှာမှ ခန်းမငှားခ၊ ဧည့်ခံကျွေးမွေးမယ့်အစားအသောက်၊ အခမ်းအနားမှူး၊ မင်္ဂလာအခါတော်ပေး၊ ဧည့်ခံဖျော်ဖြေရေး၊ တီးဝိုင်းငှားရမ်းခြင်း၊ လိုအပ်တဲ့အသုံးအဆောင် ပစ္စည်းငှားရမ်းခြင်းတွေပါဝင်ပါတယ်။
လက်မှတ်ရေးထိုးခြင်း ၃%
မင်္ဂလာလက်မှတ်ရေးထိုးခြင်းအတွက် မင်္ဂလာစရိတ်ရဲ့ သုံးရာခိုင်နှုန်းလောက်သာသုံးသင့်ပါတယ်။
အဝတ်အစား အပြင်အဆင် ၂၀%
သတို့သမီး၊ သတို့သားနဲ့ နှစ်ဖက်မိဘတွေရဲ့ အဝတ်အစားနဲ့ အပြင်အဆင်အတွက် ၂၀ ရာခိုင်နှုန်းသုံးသင့်ပါတယ်။ အဲ့ထဲမှာ မင်္ဂလာဝတ်စုံတွေ၊ လက်ထပ်လက်စွပ်တွေ၊ ဖိနပ်၊ မိတ်ကပ်၊ ဆံပင် ပြင်ဆင်ခြင်းတွေပါဝင်ပါတယ်။
ဖိတ်စာ၊ ပြန်ကမ်းလက်ဆောင် ၃%
ဖိတ်စာနဲ့ ပြန်ကမ်းလက်ဆောင်လေးတွေ အတွက်တော့ မင်္ဂလာစရိတ်ရဲ့ သုံးရာခိုင်နှုန်းသုံးစွဲရပါမယ်။
ပန်းအလှဆင်ခြင်း ၁၂%
ပန်းနဲ့မင်္ဂလာအခမ်းအနားအတွက် အလှဆင်ခြင်းမှာ ၁၂ % သုံးသင့်ပါတယ်။ ပွဲအတွက်ပန်း၊ သတို့သမီးလက်ကိုင်ပန်း၊ မင်္ဂလာကားအတွက်အလှဆင်ခြင်း စတာတွေပါဝင်ပါတယ်။
ဓါတ်ပုံ၊ ဗီဒီယို ၁၂%
မှတ်တမ်းတင်ဖို့အတွက်လည်း သတ်မှတ်ငွေပမာဏရဲ့ ၁၂% သုံးသင့်ပါတယ်။ အကြိုမင်္ဂလာဆောင်ဓာတ်ပုံရိုက်ကူးခြင်း၊ ပွဲနေ့ဓာတ်ပုံ၊ ဗီဒီယို၊ လက်မှတ်ထိုးပွဲအတွက် ဓာတ်ပုံရိုက်ကူးရေး အကုန်လုံးပါဝင်ပါတယ်။
အထွေထွေ ၅%
အထွေထွေအသုံးစရိတ်ကိုတော့ ငါးရာခိုင်နှုန်းလောက်ချန်ထားသင့်ပါတယ်။ အဲ့ထဲမှာ အသေးသုံးတွေ၊ သွားရေးလာရေးအတွက်တွေ၊ သယ်ယူပို့ဆောင်ရေးတွေ အပြင်တခြားမမျှော်လင့်တဲ့ကုန်ကျစရိတ်တွေအတွက်ဖြစ်ပါတယ်။
အခုလိုမျိုး ဘာအတွက်ဘယ်လောက်သုံးမလဲဆိုတာ အချိုးချပြီးကုန်ကျစရိတ်ကို ဝေပုံကျခွဲထားလိုက်တဲ့အခါ ကိုယ်မှန်းထားတဲ့ပမာဏထက် ပိုပြီးမကုန်တော့ဘူးပေါ့။ မဟုတ်ရင်ရွေးချယ်စရာတွေကများပြီး မလိုအပ်တဲ့ကုန်ကျစရိတ်တွေ ဖောင်းပွသွားနိုင်တာမို့အဆင်မပြေနိုင်ဘူးလေ။ ဒါကြောင့် လှပပြီးပျော်ရွှင်စရာကောင်းတဲ့မင်္ဂလာပွဲလေးလည်းဖြစ်အောင် ဘတ်ဂျက်အတွင်းမှာလည်းဝင်အောင်ညှိနှိုင်းတွက်ချက်ဆောင်ရွက်ကြပါနော်။
Source : Marry