တစ်ယောက်နဲ့တစ်ယောက်သိပ်ချစ်တယ်ဆိုတဲ့စုံတွဲတွေအကြားမှာတောင် စိတ်မချရတဲ့သဝန်တိုခြင်းတစ္ဆေဟာ
တစ်ကြိမ်မဟုတ်တစ်ကြိမ်တော့ ခြောက်လှန့်တတ်ပါတယ်။ တကယ်လည်းချစ်ခြင်းမေတ္တာဆိုတာ အပြစ်အနာအဆာ မကင်းတဲ့ လက်ဆောင်တစ်ခုပါ။ ဒီလက်ဆောင်ရဲ့အတွင်းမှာ ချစ်သူအချင်းချင်း သဝန်တိုစေတဲ့ခံစားချက်တစ်မျိုးလည်း မြုပ်ကွယ်ပြီးပါနေပါတယ်။ ဘယ်စုံတွဲမှမလိုချင်တဲ့ ဒီခံစားချက်ဆိုးကြီးကို နှင်ထုတ်လို့ရမယ့်နည်းလမ်းတွေသိမယ်ဆိုရင်ပိုပြီး သာယာဖြောင့်ဖြူးတဲ့ဘဝခရီးကို ဆက်သွားနိုင်မှာပါ။
ကိုယ်သဝန်တိုမိတဲ့အကြောင်းတရားကိုဖော်ထုတ်ပါ
ကိုယ်မသိတဲ့အရာတစ်ခုကို ပြောင်းလဲလို့မရပါဘူး။ ဒီလိုပါပဲ။ ကိုယ်ချစ်တဲ့သူအပေါ်မှာ သဝန်တိုမိလာပြီဆိုရင် ဘယ်လိုအကြောင်းကြောင့်ဖြစ်တာလဲရှာဖို့လိုပါတယ်။ ကိုယ့်အတွေးထဲကသဝန်တိုမှုအကြောင်းကိုလည်း မေးခွန်းထုတ်ပြီး အကြောင်းအရာရှာဖို့က ပထမအဆင့်ဖြစ်ပါတယ်။
အတိတ်တွေနဲ့ဆိုင်သလား
စိတ်မချရဘူးဆိုတဲ့ခံစားချက်ဟာ တစ်ချိန်ချိန်ကရှိခဲ့တဲ့ အငုံ့စိတ်လားဆိုတာ အမှန်အတိုင်း ကြည့်နိုင်အောင်လုပ်ရပါတယ်။ ဥပမာ ကိုယ်ကလေးဘဝက ပတ်ဝန်းကျင်မှာလိမ်ညာတတ်တဲ့ချစ်သူစုံတွဲတို့ ၊ လင်မယားတို့ မြင်ဖူးတာကနေ စုံတွဲတွေဆိုတာ ဒီလိုပဲ အချင်းချင်း ညာနေကြပါသလားဆိုတဲ့ အတွေးဝင်သွားတာမျိုး ရှိမရှိ ပြန်ကြည့်ပါ။ ဒါကိုသိရင် ပြဿနာဟာ သူမဟုတ်ဘဲ ကိုယ်ဆိုတာနားလည်ပြီး လက်ခံတတ်လာပါလိမ့်မယ်။ နောက်တစ်ခုက ကိုယ့်အတွေးပဲ မှန်တယ်ဆိုတဲ့ တစ်ဖက်သတ်အမြင်တွေကို ဖယ်ခွာဖို့လိုပါတယ်။ ဒါဆိုရင် တစ်ယောက်ကိုတစ်ယောက် ပိုသိလာပြီး ခွင့်လွှတ်တတ်လာပါလိမ့်မယ်။
ခံစားချက်နဲ့ချည်းဆုံးဖြတ်လို့မရပါဘူး
တစ်ချို့တွေက ပါးစပ်စည်းမစောင့်တတ်ပါဘူး။ စိတ်ထဲရှိတာနဲ့ ထုတ်ပြောလိုက်တာဟာ တစ်ချိန်မှာနောင်တအကြီးကြီးရောက်လာဖို့ တံခါးဖွင့်တယ်ဆိုတာကိုသတိရပါ။ ဒီနေရာမှာရှေးစကားဖြစ်တဲ့မပြောခင်စဉ်းစားဆိုတဲ့ ဆုံးမချက်ကို လက်ကိုင်ထားသင့်ပါတယ်။ ကိုယ့်ကိုယ်ကို ပိုထိန်းချုပ်တတ်လာအောင်သင်ကြားပါ။ ဒီအလေ့အကျင့်က အချစ်ရေးမှာပိုပြီး အဆင်ပြေလာစေမယ့်သော့ချက်ထဲပါဝင်ပါတယ်။ တစ်ယောက်နဲ့ တစ်ယောက်လက်တွဲတယ်ဆိုရာမှာ အဆင်မပြေမှုတွေ၊ မသေချာမရေရာဖြစ်မှုတွေက ပုံမှန်ဖြစ်စဉ် ဖြစ်ရပ်တစ်ခုပါ။ ဘာမှထူးခြားနေတာ မဟုတ်ပါဘူး။ ဒီတော့စိတ်မချဖြစ်နေတယ်ဆိုရင် ဒါကိုပုံမှန်ပဲလို့ လက်ခံဖို့လိုပါတယ်။ ဒီလိုအဆင်မပြေတိုင်းခံစားချက်ကို ရှေ့တန်းတင်ပြီးပေါက်ကွဲနေမယ်ဆိုရင်မှားသွားမှာပါ။
ဆက်သွယ်ပါ၊ သိအောင်လုပ်ပါ
ကိုယ့်ချစ်သူကို သဝန်တိုမိတာတွေပေါ် ဝန်ခံတာရှက်စရာမဟုတ်ပါဘူး။ ဒါကို လွယ်လွယ်လေးပြောလို့ ရပါတယ်။ ကိုယ်မင်းကို စိတ်မချဖြစ်နေတယ်လို့။ နှစ်အကြာကြီးတွဲလာတဲ့စုံတွဲတွေမှာတောင် တစ်ခါတစ်လေကောင်မလေးက ကိုယ့်ခံစားချက်ကို မသိတာတွေရှိတတ်ပါတယ်။ ဒီတော့ အရေးကြီးတာတစ်ခုက သူနဲ့ အေးအေးဆေးဆေးအတူထိုင်ရင်း ကိုယ့်ခံစားချက်ကိုချပြတာဟာ အရေးကြီးတဲ့ဆက်သွယ်မှုတစ်ခုလည်း ဖြစ်ပါတယ်။
အရမ်းမချုပ်ချယ်ပါနဲ့ 
လွတ်မှာစိုးလို့ တင်းနေအောင်ဆုပ်ထားရင် အချစ်ရေးဟာနှစ်ယောက်စလုံးအတွက် နာကျင်စရာတွေပဲဖြစ်လာမှာပါ။ ကိုယ့်ရဲ့စိတ်မချမှုကြောင့် တစ်ဖက်သားကိုနှိပ်စက်သလိုမဖြစ်ပါစေနဲ့ ။ ကိုယ့်မှာအတ္တရှိသလို သူ့မှာလည်း အတ္တရှိတာသိရဖို့ လိုပါတယ်။ သူ့ရဲ့ အပြုအမှုတွေဟာ ကိုယ်ထင်သလို တကယ်သဝန်တိုစရာ၊ စိတ်မချစရာဆိုရင် ဒီပြဿနာကိုချပြပြီး ဆွေးနွေးအဖြေရှာတာလုပ်ဖို့ လိုလာပါတယ်။
တကယ်ပဲ သူသစ္စာပျက်နေတာသေချာသိရပြီဆိုရင်၊ ဘယ်လိုမှအဖတ်ဆည်လို့မရတော့တဲ့ ဆန့်ကျင်ဘက်ကို နောက်မလှည့်ဘဲ သူထွက်သွားပြီဆိုရင် စွန့်လွှတ်ဖို့ ကြိုးစားပါ။ အလွန်ကို အင်ဂျင်အားကောင်းပြီး ကမ်းမမြင်တဲ့ပင်လယ်မှာ မိုင်ထောင်ချီသွားတဲ့ သဘောင်္တွေမုန်တိုင်းကြောင့်ပျက်ချိန်မှာတောင် Abandon Ship လုပ်ရပါတယ်။ တစ်ခါတစ်လေမှာ စွန့်လွှတ်လိုက်တာက ဆုပ်ကိုင်ထားတာထက် ပိုကောင်းပါတယ်။
Credit : Kwee
