လက်တွဲဖော်ရှာရင် ရုပ်ရည်ထက် အရင်ဆုံး ဦးစားပေးရွေးချယ် သင့်တဲ့ အရာများ

လက်တွဲဖော်ရှာရင် ရုပ်ရည်ထက် အရင်ဆုံး ဦးစားပေးရွေးချယ် သင့်တဲ့ အရာများ google

ပထမဆုံး ထင်မြင်ချက်ကို အပြည့်အဝရဖို့လူတစ်ယောက်မှာ ဥပဓိရုပ်ကလည်းအရေးပါပါတယ်။ ဒါပေမယ့် မိန်းကလေးတစ်ယောက်အနေနဲ့

ဘဝလက်တွဲဖော်ရှာတော့မယ်ဆိုရင်တော့ ရုပ်ရည်ထက်ပိုပြီးအရေးကြီးတဲ့ ဦးစားပေးရွေးချယ်သင့်တဲ့ အချက်တွေရှိနေပါတယ်။ဘယ်လို အချက်တွေလဲဆိုတာ ဖော်ပြပေးလိုက်ပါတယ်။

 

ချစ်ခင်တယ်၊ကာကွယ်ပေးတယ်

မိန်းကလေးတွေ လက်တွဲဖော်ရှာတယ်ဆိုတာယေဘုယျအားဖြင့် အဲဒီယောက်ျားကို အားကိုးချင်လို့ဖြစ်ပါတယ်။ ဒါကြောင့် သူဟာ ကိုယ့်အတွက်အားကိုးရသူကိုယ့်ကိုကာကွယ်ပေးသူဖြစ်ဖို့လိုပါတယ်။ အချစ်မပါတဲ့အိမ်ထောင်ရေးဟာဆားမပါတဲ့ ဟင်းလို ပေါ့ပြတ်ပြတ်နိုင်တယ်ဆိုတာလည်း သိပြီးသားဖြစ်မှာပါ။ ဒါကြောင့် ကိုယ့်ကိုချစ်ခင်မြတ်နိုးတဲ့သူဖြစ်ဖို့လည်း အရေးကြီးပါသေးတယ်။

 

စိတ်ဆန္ဒပြင်းပြသူ

အိမ်ထောင်တစ်ခုကိုဦးဆောင်မယ့်ယောက်ျားလေးတစ်ယောက်ဟာအရာရာကိုဦးဆောင်လိုစိတ်၊မိသားစုအတွက်ခွန်အားတွေပေးနိုင်တဲ့တက်ကြွမှုတွေရှိနေသင့်ပါတယ်။အခက်အခဲတွေကိုရင်ဆိုင်ဖြေရှင်းလိုက်ဖို့စ်ိတ်ဆန္ဒပြင်းပြနေသူဖြစ်သင့်ပါတယ်။အဲဒီလိုမဟုတ်ဘဲအခက်အခဲတွေ့တိုင်းစိတ်ပျက်အားလျော့ပြီး လေးတိလေးကန်ဖြစ်နေတဲ့အိမ်ထောင်ဦးစီးယောက်ျားတစ်ယောက်ဟာ ပျော်ရွှင်ချမ်းမြေ့တဲ့မိသားစုကိုတည်ဆောက်နိုင်မှာမဟုတ်လို့ပါပဲ။

 

ထိန်းချုပ်တတ်သူမဟုတ်ဘူး

ဦးဆောင်လိုစိတ်ရှိတာနဲ့ အရာရာကိုထိန်းချုပ်ပြီး သူ့အစီအစဉ်အတိုင်း လိုက်နာစေတာအဓိပ္ပာယ်မတူပါဘူး။ ခေါင်းဆောင်နဲ့ အမိန့်ပေးသူလိုသိသိသာသာ ကွဲပြားမှုရှိပါတယ်။ မိန်းကလေးတစ်ယောက်အနေနဲ့ လက်တွဲဖော်ရွေးချယ်တဲ့အခါ ထူးချွန်ထက်မြက်တဲ့ ယောက်ျားထက်အရည်အချင်းပြည့်ဝပြီး ကိုယ့်ရဲ့ဘဝကိုတိုးတက်အောင် ကူညီပံ့ပိုးပေးနိုင်တဲ့ ထိန်းကျောင်းလမ်းညွှန်ပေးနိုင်တဲ့ ယောက်ျားမျိုးကိုပဲရွေးချယ်သင့်ပါတယ်။

 

ခံစားချက်တွေကို လျစ်လျူမရှုဘူး

များသောအားဖြင့် ယောက်ျားလေးတွေဟာ ခေါင်းရှုပ်မခံနိုင်ဘူး၊ စိတ်ရှုပ်မခံနိုင်ကြပါဘူး။ ဒါကြောင့်ခံစားချက်တွေထက်လက်တွေ့ကို ပဲပိုပြီးဦးစားပေးလေ့ရှိပါတယ်။ တခါတလေခံစားချက်တွေကို လျစ်လျူရှုခံရတာကလည်းလူရာမဝင်သလိုခံစားရ စေပါတယ်။ကိုယ့်ရဲ့ခံစားချက်ကို ပဲဦးစားပေးစဉ်းစားပေးဖို့ဆိုလိုတာ မဟုတ်ပေမယ့်သာယာချမ်းမြေ့တဲ့ အိမ်ထောင်တစ်ခုဖြစ်ဖို့ ခံစားတတ်တဲ့နှလုံးသားနဲ့ ခံစားချက်တွေကို အသိအမှတ်ပြုပေးတတ်တဲ့သူဖြစ်ဖို့လည်းလိုပါတယ်။

 

 

Myanmar Wedding Guide

Read 387 times
Rate this item
(2 votes)
Tagged under