ရည်းစားဟောင်းက နောင်တရနေကြောင်း သိသာစေတဲ့ အချက်

ရည်းစားဟောင်းက နောင်တရနေကြောင်း သိသာစေတဲ့ အချက် google

အမျိုးသမီးပရိသတ်ကြီးကို မေးချင်ပါတယ်၊ သင့်ကို သင့်ချစ်သူက လမ်းခွဲသွားသတဲ့လား … ? … အသည်းကွဲမှာပေါ့။ အသည်းကွဲတာထက်

သင့်မှာ ဝမ်းသာစရာ အချက်ကလေးတွေကို သင် တွေးကြည့်လိုက်ပါ။ ချန်သွားသူနဲ့ ကျန်ရစ်သူကြားမှာ ဘယ်သူပိုခံစားရလဲ ကွဲကွဲပြားပြား သိတဲ့အခါ အရှုံးကနေ အနိုင်ဖြစ်သွားတတ်ပါတယ်။ အငိုကနေ အပြုံးဖြစ်သွားတတ်ပါတယ်။ အခုလည်း သင့်ကို လမ်းခွဲသွားတဲ့ ရည်စားဟောင်းဟာ အောက်ပါစရိုက်လက္ခဏာလေးတွေက မြင်သာစေတယ်ဆိုရင် သင်ဟာ အရှုံးတွေကြားထဲကနေ ပြုံးနေရပြီဆိုတာ သေချာပါတယ်။

 

သင့်အကြောင်းကို သူငယ်ချင်းတွေဆီမှာစုံစမ်းတယ်


ဘယ်လောက်ပဲ လူချင်းပြတ်ပြတ် စိတ်မပြတ်သေးရင် သင့်အကြောင်းကို သူ သတင်းမေးပါလိမ့်မယ်။ သင့်သူငယ်ချင်းတွေကိုပေါ့။ ဒါပေမယ့် ခပ်တည်တည် စိတ်ဝင်စားဟန်တော့ ပြမှာ မဟုတ်ပါဘူး။ စကားလမ်းကြောင်းသင့်တာလိုလို ဘာလိုလိုနဲ့ မေးတတ်ပါတယ်။ တစ်ခါတလေ ဘယ်လိုမှ စကားလမ်းကြောင်းမသင့်ရင် ဗြောင်ဖွင့်မေးပါလိ့မ်မယ်။ ဟိုတစ်ယောက်ကော အဆင်ပြေတယ်မဟုတ်လား … လို့။

 

အွန်လိုင်းပေါ်မှာဝေဖန်တိုက်ခိုက်မယ်


သူဟာ သင့်အပေါ်မှာ စိတ်မပျက်သေးဘူးဆိုရင် သင့်ကို ရည်ညွှန်းတဲ့စာတွေ အွန်လိုင်းပေါ်မှာ တင်ပါလိမ့်မယ်။ ဝေဖန်တာ ပါချင်ပါမယ်၊ တိုက်ခိုက်တာ ဖြစ်ချင်ဖြစ်မယ်၊ တစ်ခါတလေ အခုထက်ထိ မေ့လို့မရ ချစ်နေသေးကြောင်း အယူခံဝင်တာမျိုးလည်း ဖြစ်နိုင်ပါတယ်။

 

အရက်မူးရင် ဖုန်းခေါ်တယ်

 

အမျိုးသားတွေ တော်တော်များများကို ဘယ်ဥပဒေက သတ်မှတ်ပေးထားတယ်မသိ။ အရက်မူးရင် ချစ်သူကို သတိရတာပဲ။ ချစ်သူတွေ အများကြီးရှိရင်တောင်မှ သူ့စိတ်ထဲက သိပ်ချစ်ရတဲ့ ချစ်သူအမည်ကိုမှ တမ်းတလွမ်းဆွတ်တာမျိုးပါ။ သူဟာ အရက်မူးတဲ့အချိန် သတိအရဆုံးက သင်ဖြစ်နေမယ်ဆိုရင် သူ သင့်ကို လမ်းခွဲခဲ့မိလို့ သိပ်ကို နောင်တရနေမိတယ်-ဆိုတာ ပေါ်လွင်ထင်ရှားပါတယ်။

 

ဘယ်သူနဲ့မှ လက်တွဲခြင်းမရှိသေးဘူး

 

သူဟာ သင့်ကို လမ်းခွဲပြီးနောက်ပိုင်း ဘယ်သူနဲ့မှ လက်မတွဲသေးဘူးဆိုရင်လည်း သူ့ရင်ထဲမှာ သင့်အတွက်နေရာတစ်ခု ရှိနေသေးတယ်ဆိုတာ သေချာပါတယ်။

 

သူငယ်ချင်းမိတ်ဆွေတွေနဲ့ အဆက်အသွယ်အခင်အမင်မပျက်


သင်နဲ့ဆိုရင်တော့ ရှောင်ဖယ်ရှောင်ဖယ် ဖြစ်ချင်ဖြစ်မယ်။ ဒါပေမယ့် သင့် သူငယ်ချင်းတွေ၊ မိတ်ဆွေတွေ၊ သင့်မိဘဆွေမျိုးတွေနဲ့ အခင်အမင်မပျက်၊ ဆက်ပြီးဆက်သွယ်နေသေးတယ်ဆိုရင်လည်း သူ သင့်ကို စိတ်မပြတ်သေးဘူးဆိုတဲ့ သဘောပေါ့။

 

ဓာတ်ပုံလေးတွေ/လက်ဆောင်လေးတွေ သိမ်းထားတုန်းဆိုရင်


သင်နဲ့ပတ်သက်သမျှ ဓာတ်ပုံတွေ၊ လက်ဆောင်တွေကို သိမ်ထားသေးတယ်။ အဲဒီလို သိမ်းထားကြောင်းကိုလည်း သင့်ကို တစ်နည်းနည်းအရ သိစေလိုတယ်ဆိုရင် သူ သင့်ကို လမ်းခွဲခဲ့မိခြင်းအတွက် နောင်တရနေတယ်ဆိုတဲ့ သက်သေပါ။ သင့်အနေနဲ့ ပြင်ဆင်ထားဖို့က ဒုတိယအကြိမ် ပြန်လည်ခိုလုံခွင့်တောင်းလာမယ့် ချစ်သူကို ဘယ်လိုအကြောင်းပြချက်နဲ့ လက်ခံမလဲဆိုတာကိုပေါ့။

 

 

 

Myanmar Wedding Guide

Read times Last modified on Friday, 21 June 2019 17:22
Rate this item
(0 votes)
Tagged under