ချစ်တယ် ဆိုတဲ့စကားလုံးကိုပြောဖို့ဝန်မလေးပါနဲ့

ချစ်တယ် ဆိုတဲ့စကားလုံးကိုပြောဖို့ဝန်မလေးပါနဲ့ google.com

ချစ်သူတွေကြားမှာ ဘယ်တော့မှ မရိုးသွားမယ့်စကားလေးတစ်ခွန်းရှိပါတယ်။ အဲ့ဒါကတော့

ချစ်တယ် ဆိုတဲ့စကားလုံးလေးပါပဲ။ တချို့ကပြောကြတယ် ခဏခဏ ချစ်တယ်ပြောရင် ရိုးသွားတယ်တဲ့။ တကယ်ချစ်တဲ့ချစ်သူတွေကြားမှာ ရိုးသွားတယ်ဆိုတာမရှိပါဘူး။ ချစ်တယ်ဆိုတဲ့စကားလုံးကို ပါးစပ်ကထုတ်ဖော်မပြောဘဲနဲ့ ကိုယ့်ချစ်သူကိုသိစေချင်ရင် အခြားနည်းလမ်းတွေလည်းအသုံးပြုလို့ရပါတယ်။

 

ကိုယ့်ချစ်သူအတွက် အရာရာမှာဦးစားပေးတာကလည်း ချစ်တယ်ဆိုတဲ့စကားလုံးကိုပါးစပ်ကဖော်မပြောဘဲနဲ့ ကိုယ်အမူအရာနဲ့ဖော်ပြတာပါပဲ။ ကားပေါ်တက်ရင်သူ့အတွက် ကားတံခါးဖွင့်ပေးတာ၊ မုန့်စားရင် ထမင်းစားရင် ကိုယ့်ချစ်သူပန်းကန်ထဲကိုအရင်ထည့်ပေးတာ၊ ကိုယ့်အတွက်အသုံးလိုတဲ့ ပစ္စည်းတစ်ခုခုဝယ်ဖို့သွားရင်း ကိုယ့်ချစ်သူအတွက်ပါ သတိရလို့ဝယ်လာတာ ဒါတွေအားလုံးဟာ ချစ်တယ်ဆိုတာကို ကိုယ့်ရဲ့လုပ်ဆောင်ချက်တွေနဲ့ဖော်ပြသွားတာပါပဲ။

 

ချစ်သူစုံတွဲတော်တော်များများက ချစ်စခင်စမှာ ချစ်တယ် ချစ်တယ် ခဏခဏပြောကြပေမယ့် ချစ်သူသက်တမ်းကြာလာတဲ့အခါမှာတော့ ချစ်တယ်ဆိုတဲ့စကားလုံးကို သိပ်မပြောဖြစ်ကြတော့ပါဘူး။ ကိုယ့်ချစ်သူကို ကိုယ်ချစ်ကြောင်းကို ပါးစပ်ကထုတ်ပြောတာနဲ့ အမူအရာနဲ့ပြတာ နှစ်မျိုးဖော်ပြလို့ရပေမယ့် နှစ်နည်းစလုံးနဲ့မပြနိုင်ဘူးဆိုရင်တော့ ကိုယ့်ရဲ့အချစ်တွေကို ကိုယ့်ချစ်သူက ခံစားမိမှာမဟုတ်ပါဘူး။

 

အနည်းဆုံးတော့ တစ်နေ့တစ်နေ့ ကိုယ့်ချစ်သူဆီဖုန်းဆက်ဖြစ်တိုင်း ဖုန်းချတိုင်းမှာ “အရမ်းချစ်တယ်နော်” ဆိုတဲ့စကားလုံးလေးကိုထည့်ပြောရင် သင့်ဆီက ထိုစကားကြားရတဲ့သင့်ချစ်သူရင်ထဲမှာလည်း နွေးထွေးတဲ့ခံစားမှုများဖြစ်ပေါ်စေမှာပါ။ ဖုန်းဆက်လို့မပြောဖြစ်ဘူးဆိုလည်း မက်ဆေ့ခ်ျပို့တိုင်း ချစ်တယ်ဆိုတဲ့စကားလုံးလေးကို ရိုက်နှိပ်ပြီးပို့လို့ရပါတယ်။

Source – Lwin Pyin

Read times Last modified on Wednesday, 19 September 2018 11:04
Rate this item
(2 votes)