ငါ့ထက် တော်သည်ဖြစ်စေ ငါ့ထက် ညံ့သည်ဖြစ်စေ ဒီအရာတွေကို မေ့လိုက်ပါ။ ငါက သွားမယ်ဆို နင့်ကို တိုင်ပင်မယ်။ နင်က လုပ်စရာရှိမယ် ဆိုလည်း ငါ့ကို အကုန်ပြောရမယ်။
နင်မပြောတဲ့ကိစ္စ မှန်သမျှ ငါမမေးဘူး။ ငါမပြောတဲ့ ကိစ္စမှန်သမျှလည်း နင်နားလည်ပေးဖို့ လိုတယ်။ နင်မဖြေရှင်း နိုင်တော့တဲ့ ပြဿနာမျိုးတွေဆို ငါ့ကိုပြောပါ။ ငါမဖြေရှင်းနိုင်တဲ့ ကိစ္စမျိုးတွေ ဆိုလည်း ရင်ဖွင့်တိုင်ပင် ပါ့မယ်။
ငါတို့ အနာဂတ်အတွက် အစီအစဉ်ကို ဆွဲပါ။ ဘယ်အရာမှ အစီအစဉ်မရှိပဲ စနစ်တကျ မအောင်မြင်နိုင်ဘူး ဆိုတာ ယုံပေးပါ။
နင်ဗြူးတီးစလွန်း သွားသွား ကြိုက်တာတွေပဲ ဝယ်ဝယ် ငါဘယ်တော့မှ ဝင်မပြောဘူး။ ငါတို့ဝင်ငွေ ထွက်ငွေကိုလည်း နင်သိနေလောက်ပြီ။ ငါရွေးချယ်ခဲ့တဲ့ ဇနီးလောင်းအပေါ် ငါယုံတယ်။
နင့်ကိုလည်း လိုတာထက် ပိုမချုပ်ချယ် ပါဘူး။ ငါ့ကိုလည်း တချို့ကိစ္စတွေ နားလည်ပေးပါ။ နင်လည်း ငါ့က နင့်ကို ပိုချစ်လာအောင် အမြဲ ကြိုးစားပါ။ ငါလည်း နင် ငါ့ကို တနေ့ထက်တနေ့ ပိုချစ်လာအောင် အမြဲ ကြိုးစားနေမှာပါ။
ပတ်ဝန်းကျင်နဲ့ အဆင်ပြေအောင် နေပါ။ စကား မရှုပ်ပါနဲ့။ မိန်းကလေး တစ်ယောက် စကားရှုပ်တာ ယောက်ျားလေး တစ်ယောက် နောက် မိန်းမငယ်နဲ့ ရှုပ်တာနဲ့ အကျိူးရလဒ် အတူတူပဲ။ ငါလည်း ဘယ်တော့မှ မရှုပ်ဘူး နင်လည်း ဘ
ယ်တော့မှ မရှုပ်ပါနဲ့။
ငါတို့ သားသမီးတွေ အတွက် ငါတို့က စံပြနမူနာ အမြဲ ဖြစ်နေရမယ်။ ငါတို့ စိတ်အခန့် မသင့်လို့ အဆင်မပြေတွေ ဖြစ်နေခဲ့ရင်တောင် ကလေးတွေ ရှေ့မှာ ကြင်နာပြနေရမယ်။ ငါကျရှုံးစေမယ့် အရာမှန်သမျှ နင်ကျရှုံးတာလို့ တွေးပေးပါ။
နင့်ကို သိက္ခာကျစေတဲ့ ကိစ္စမှန်သမျှ ငါ့ကိုတံတွေးနဲ့ လာထွေးတယ် လို့ ခံယူထားပါမယ်။
ငါလည်း အမြဲ မမှန်နေနိုင်ဘူး။ နင်လည်း အမြဲ မမှန်နေနိုင်ဘူး။ အမြဲတမ်း မမှားဖို့ပဲ ကြိုးစားမယ်။ ငါအားလျော့ရင် နင်ဖေးကူပါ။ နင်လဲကျရင် ငါပွေ့ချီမှာပါ။ ငါတို့က လောကဓံ လှိုင်းလုံးကို လက်တွဲပြီး စီးရမယ့် သူတွေပါ။
အချစ်ဆိုတာ အပေါ်ယံ နှမ်းဖြူး မဟုတ်သလို ပေါ်ပင်ကိစ္စ တစ်ခုလည်း မဟုတ်ဘူး။ ငါ့မျက်ဝန်းကို နင်ဖတ်နိုင်အောင် ကြိုးစားပါ။ နင့်အိပ်မက်ကို ငါ သိမြင်နေနိုင်အောင် ချစ်ပါ့မယ်။
ဘယ်ကာလ ဘယ်အချိန် ဘယ်အသက်အရွယ်ပဲ ရောက်ရောက် နင့်ကို ချစ်ခွင့်ပန်တုန်းက အချိန်ကလိုပဲ အမြဲ ရင်ခုန်စွာ ချစ်နေပါ့မယ်။
အသက်အရွယ် ကြီးလာတာနဲ့အမျှ နင့်ဘေးနားမှာ လူတွေ တဖြည်းဖြည်း နည်းလာမယ်။ ငါ့ဘေးနားမှာလည်း လူတွေ တဖြည်းဖြည်း လျော့လာလိမ့်မယ်။
တလောကလုံးမှာ ဘယ်သူမှ မရှိတော့တဲ့နောက် နင့်ဘေးနားမှာငါရှိနေမယ် ဆိုရင် ငါ့ဘေးနားမှာ နင်ရှိနေမယ် ဆိုရင် အဲဒါ ငါတို့ရဲ့ ချစ်ခြင်းသစ္စာပဲ။
ပြီးတော့ ငါတို့ ကလေးတွေဟာ စိတ်ဒဏ်ရာ ကင်းရမယ်။ အတွေးအခေါ် ရှိရမယ်။ လွတ်လပ်စွာ နေထိုင်နေရမယ်။ ချစ်ခြင်းရယ် အနုပညာရယ်ကို ခံစားနိုင်စွမ်း ရှိရမယ် ( အနုပညာကို ဖန်တီးနိုင်ခဲ့ရင်တော့ အပျော်ဆုံးပေါ့ ) ငါတို့ထက်အဆပေါင်းများစွာ ပိုတော်နေရမယ်။ ငါတို့ရဲ့ ပန်းတိုင်ဟာ . . . ငါတို့ရဲ့ချစ်ခြင်း ပြီးတော့ . . . ငါတို့ အနာဂတ်လောင်းလေးတေ။
Credit;ကိုလင်း
