ချစ်သူနဲ့အတူ ခရီးထွက်မယ်ဆို ကြိုတွေးထားရမယ့်အရာ (၅) ခု

ချစ်သူနဲ့အတူ ခရီးထွက်မယ်ဆို ကြိုတွေးထားရမယ့်အရာ (၅) ခု pintrest

နေ့စဉ်သွားလာလှုပ်ရှားရင်း အလုပ်တွေများလာလို့ ငြီးငွေ့ပင်ပန်းလာတဲ့အခါ ခရီးထွက်ခြင်းက အကောင်းဆုံးအားဆေးပါပဲ။

စိတ်တွေလည်း ပြန်လည်လန်းဆန်းပြီး အတွေ့အကြုံသစ်တွေက စိတ်နဲ့ခန္ဓာကိုယ်ကို အားဖြည့်ပေးနိုင်ပါတယ်။ ခရီးသွားတဲ့အခါ ချစ်သူနဲ့အတူသွားရမယ်ဆိုရင်တော့ အကောင်းဆုံးပေါ့။ ခရီးအတူသွားတဲ့ ချစ်သူစုံတွဲတွေဟာ ပိုပြီးနားလည်မှုရှိကြပါတယ်။

 

 

() ကြိုတင်တိုင်ပင်ပါ

 

ခရီးထွက်ရင် ဘာတွေလုပ်မယ်၊ ဘယ်လိုတွေဖြစ်ချင်တယ်ဆိုတာကို ခရီးမထွက်ခင်မှာ ကြိုတင်ပြောပြထားပါ။ ကိုယ်က ခရီးမှာ အေးအေးလူလူ အနားယူချင်ပေမဲ့ သူက လျှောက်လည်ပြီးလေ့လာရတာကို ပိုလိုလားတယ်ဆိုရင် ခရီးမထွက်ခင်တည်းက ဘာတွေလုပ်မယ်ဆိုတာ ကြိုညှိထားတာ အကောင်းဆုံးပါပဲ။

 

 

() ကုန်ကျစရိတ်

 

ဘယ်နေရာသွားမယ်၊ ဘာလုပ်မယ်ဆိုတာကို သိရရင် ကုန်ကျစရိတ်ကိုလည်း ကြိုခန့်မှန်းထားလို့ ရပါပြီ။ ဒီတော့ တစ်ယောက်တစ်ဝက်စီ အကုန်အကျခံမလား၊ တစ်ယောက်ကို ရာခိုင်နှုန်းဘယ်လောက် ထည့်ဝင်မလဲဆိုတာလည်း ကြိုပြီးညှိထားပါ။ သူက သွားလာစရိတ် အကုန်ခံမယ်ဆို ကိုယ်က စားသောက်စရိတ် အကုန်ခံတာမျိုးဆိုလည်း ကောင်းပါတယ်။ သူ့ဘက်ကပဲ အစအဆုံး အကုန်အကျခံတာမျိုးဆိုရင်တော့ အကောင်းဆုံးပေါ့။ ဒါပေမဲ့ မျှမျှတတ အကုန်အကျခံတာကသာ သင့်လျော်ပါတယ်။

 

 

() ကိုယ်ပိုင်လွတ်လပ်ခွင့်

 

ခရီးထွက်တာဟာ စိတ်အပန်းဖြေနည်းတစ်ခုပါ။ ကိုယ့်ဘေးမှာ တစ်လျှောက်လုံး ရှိနေရမယ်လို့လည်း သူ့ကို အတင်းကာရော မတောင်းဆိုပါနဲ့။ ကိုယ်မလုပ်ချင်ပေမဲ့ သူလုပ်ချင်တဲ့အရာတွေလည်း ရှိတယ်မဟုတ်လား။ ဒီတော့ ခရီးတစ်လျှောက်မှာ သူ့အတွက် ကိုယ်ပိုင်အချိန်လေးတော့ ထားပေးသင့်သလို ကိုယ့်အတွက်လည်း ကိုယ်ပိုင်အချိန်လေးရရှိအောင် တောင်းဆိုထားပါ။ ဒါက တစ်ယောက်ကိုတစ်ယောက် နားလည်ပေးမှုပဲမဟုတ်လား။

 

 

() အပြန်အလှန်ငဲ့ညှာပါ

 

ကိုယ်က စောစောထပေမဲ့ သူက နေမြင့်မှ ထတာမျိုးဆိုရင်လည်း သူ့အိပ်ချိန်ကို နားလည်ပေးလိုက်ပါ။ သူက မနိုးသေးဘူးဆိုရင်လည်း ကိုယ့်ဘာသာ စောစောထပြီး လေ့ကျင့်ခန်းလုပ်တာမျိုး၊ အလှပြင်တာမျိုးအတွက် အချိန်ပိုရသွားပါတယ်။ အိမ်သာလုစရာလည်း မလိုတော့ဘူးပေါ့။ ဒီလိုမျိုးလေး အပြန်အလှန်ငဲ့ညှာရင်း ကိုယ့်အတွက် အကျိုးရှိတာလေးတွေလုပ်လိုက်ပါ။

 

 

() ပျော်စရာတွေဖန်တီးပါ

 

နေ့စဉ်မြင်တွေ့နေကြ၊ လုပ်နေကြ ပုံသေကားချပ်အရာတွေကနေ နှစ်ယောက်လုံး ကျောခိုင်းလာကြတဲ့အခါ သီးသန့်ကိုယ်ပိုင်ကမ္ဘာလေး ဖြစ်သွားပါတယ်။ မကျေနပ်တာတွေကို ခေါက်ထားလိုက်ပါ။ ကိုယ့်အချစ်တွေကိုလည်း သူသိအောင် ထုတ်ပြရင်း သူ့အချစ်တွေကိုလည်း ခံယူလိုက်ပေါ့။

တစ်ယောက်ကိုတစ်ယောက် အပြန်အလှန် ချစ်ခင်ဂရုစိုက်ရင်းနဲ့ အချစ်ရေးက ပိုပြီးခိုင်မာလာအောင် တည်ဆောက်လို့ရသွားပါလိမ့်မယ်။ အနမ်းပေးပြီး အိပ်ယာနှိုးတာမျိုး၊ အတူတူ တောင်တက်ကြတာမျိုးနဲ့ နေထွက်ချိန်ကို အတူကြည့်ရှုကြတာမျိုးတွေဟာ လုပ်ငန်းခွင်ထဲပြန်ဝင်ရရင် နှစ်ယောက်လုံးအတွက် ရဖို့မလွယ်တော့တဲ့ အရာတွေပါ။ ဒါကြောင့် ခရီးသွားတဲ့အချိန်အတွင်းမှာ မေ့မရနိုင်တဲ့ အခိုက်အတန့်လေးတွေဖြစ်အောင် ဖန်တီးထားသင့်ပါတယ်။

 

 

Credit;Duwun

Read 373 times Last modified on Monday, 17 December 2018 15:55
Rate this item
(1 Vote)