လမ်းခွဲမယ်ဆိုရင် သိသင့်တဲ့အချက်များ - ၁

လမ်းခွဲမယ်ဆိုရင် သိသင့်တဲ့အချက်များ - ၁

နားလည်မှုတွေ မရှိနိုင်တော့လို့ပဲ ဖြစ်ဖြစ်၊ တစ်ယောက်အမှားကြောင့်ပဲ ဖြစ်ဖြစ်၊ ဘေးပယောဂတွေကြောင့်ပဲ ဖြစ်ဖြစ်


လမ်းခွဲခဲ့ကြပြီဆိုရင် ဒီအချက်လေးတွေကိုတော့ လိုက်နာသင့်ပါတယ်။

 

အရက်မသောက်နဲ့

 

လမ်းခွဲပြီးလို့ အသည်းကွဲရင် အရက်နဲ့ကုစားတာဟာ အမှားအကြီးဆုံးပါပဲ။

 

အရက်သောက်ရင် အတိတ်တွေကို မေ့ဖျောက်နိုင်မယ်၊ ဘာမှမသိတော့ဖူးဆိုတာ လုံးဝတက်တက်စင်အောင် လွဲပါတယ်။

 

အရက်သောက်တဲ့အခါမှ အတိတ်တွေဟာ တဖြည်းဖြည်း ဝိုးတဝါးနဲ့ ပေါ်လာတတ်တာမျိုးပါ။

 

ယင်းအပြင် အရက်သောက်နေတဲ့အချိန်မှာ အထိန်းအကွပ်မဲ့စွာနဲ့ သူ့ဆီ ဖုန်းဆက်တာမျိုးတွေ၊ အိမ်လိုက်သွားတာမျိုးတွေ လုပ်မိတတ်ပါတယ်။

 

ဒါဟာ ကိုယ့်အတွက်တော့ ကောင်းစရာကိစ္စတော့ မဟုတ်ပါဘူး။


မတောင်းပန်ပါနဲ့

 

လမ်းမခွဲခင်မှာ သင်တို့နှစ်ယောက်လုံး စေ့စပ်ဆွေးနွေးနိုင်ပါတယ်။

 

သင်တို့အချစ်ရေးဟာပြီးပြတ်ကာနီးပြီဆိုတဲ့ လက္ခဏာတွေ တွေ့တာနဲ့ အချိန်မီ ကယ်တင်သင့်ပါတယ်။

 

ဒီလိုမှမဟုတ်ဘဲ လမ်းခွဲခဲ့ကြပြီးမှ ခံစားရခက်လွန်းလို့ဆိုပြီး ပြန်မတောင်းပန်သင့်တော့ပါဘူး။

 

အချိန်တွေ လွန်ခဲ့ပါပြီ။ တောင်းပန်လိုက်လို့ ပြန်တွဲဖြစ်ခဲ့ရင်တောင် ဒီအချစ်ရေးမှာ သင်လိုချင်တဲ့ ပျော်ရွှင်ခြင်းတွေ ရနိုင်ဖို့ အခွင့်အရေးနည်းသွားပါပြီ။


ပြဿနာမရှာပါနဲ့

 

လမ်းခွဲဖြစ်တဲ့ အကြောင်းအရင်း အမျိုးမျိုးရှိနိုင်ပါတယ်။

 

ဘယ်လိုအကြောင်းကြောင့်ပဲဖြစ်ဖြစ် လမ်းခွဲခဲ့ကြပြီးနောက်ပိုင်းမှာ တစ်ယောက်ကိုတစ်ယောက် ပြဿနာမရှာသင့်ပါဘူး။

 

စိတ်ပိုင်းဆိုင်ရာပဲဖြစ်ဖြစ်၊ ကိုယ်ထိလက်ရောက်ပိုင်းပဲဖြစ်ဖြစ် အနှောင့်အယှက် တစ်စုံတစ်ရာ မလုပ်သင့်တော့ပါဘူး။

 

လမ်းခွဲခဲ့ကြပြီဖြစ်လို့ ကိုယ့်စိတ်ကိုပိုင်းဖြတ်ပြီး ကိုယ့်လမ်းကိုယ်စလျှောက်သင့်ပါပြီ။

 

မဟုတ်ရင် သူ့ရဲ့စိတ်နဲ့ ကိုယ်ခံစားချက်တွေ ပင်ပန်းနေပါလိမ့်မယ်။

 


သူ့အသိုင်းအဝိုင်းနဲ့ မပတ်သက်နဲ့

 

ဖြစ်နိုင်ရင်တော့ သူ့အသိုင်းအဝိုင်းနဲ့ မပတ်သက်တာ ကောင်းပါတယ်။

 

သူရှိနေနိုင်တဲ့ ပတ်ဝန်းကျင်နဲ့ ခဏလောက်ဖြစ်ဖြစ် ကင်းကွာအောင်နေသင့်ပါတယ်။


ဒါကတော့ ရှောင်ပြေးတာမဟုတ်ပါဘူး။ ကိုယ့်ခံစားချက်ကို မဆိုးအောင် နေတာပါ။ ကိုယ့်ကိုယ်ကိုယ် ဂရုစိုက်တာပါ။

Read 2594 times
Rate this item
(1 Vote)
Tagged under