မင်္ဂလာဆောင်ပွဲလေး အောင်မြင်စွာ ကျင်းပပြီးပြီဆိုရင်တော့ နောက်နေ့မှာလုပ်ရမှာတွေရှိပါတယ်။ မင်္ဂလာဆောင်ပွဲပြီး
နောက်နေ့ဆိုရင် နှစ်ကိုယ်တူဘဝလေး ပိုင်ဆိုင်ရပြီနော်။ အဲဒီလို နေ့ရက်အချိန်မှာ ဘာတွေ ပြန်ပြီးစီစဉ် လုပ်ဆောင်ရမလဲဆိုတာ ပြောပြမယ်နော်။
စာရင်းတွက်ပါ
မင်္ဂလာဆောင်ပွဲပြီးနောက်နေ့မှာ မင်္ဂလာဆောင်စရိတ်တွေ ပြန်တွက်ပေးနော်။ မင်္ဂလာဆောင်လက်ဖွဲ့ပစ္စည်းတွေဖောက်တာ၊ နေရာချတာတွေလည်း လုပ်ဖို့လိုပါတယ်။ မိသားစုဝင်တွေနဲ့အတူ စာရင်းတွက်ကြည့်ပါ။
ပြန်အပ်ရမယ့် ဝန်ဆောင်မှုတွေ
စုံတွဲလေးတို့ရေ မင်္ဂလာဆောင်ပွဲလေး ပြီးသွားတဲ့အခါ ဝတ်စုံက အသစ်ချုပ်အငှား ဒါမှမဟုတ် အငှားဆိုရင် ပြန်ပြီး ပေးဖို့ အခြောက်လျှော်တာတွေ လုပ်ရမယ်ဆိုလုပ်ပါ။ ပွဲထွက်တဲ့အခါမှာ ငှားတဲ့ ကလပ်၊ ဗန်းတွေ ပြန်အပ်ဖို့ လိုတာ အစရှိတဲ့ ပြန်အပ်ရမယ့် ဝန်ဆောင်မှုတွေ အားလုံးလုပ်ဆောင်ပါ။
Skin care
Skin care ကတော့ သတို့သမီးလေးအတွက် အဓိကပါ။ မျက်နှာမှာ လိမ်းထားတဲ့ မိတ်ကပ်အထပ်ထပ်တွေကို သေချာလေး Cleansing လုပ်ဖို့လိုသလို Break out မဖြစ်စေဖို့ Skin care ကောင်းကောင်းသုံးဖို့ လိုပါတယ်နော်။ မျက်နှာအသားအရေ မထိခိုက်စေဖို့အတွက် ပေါင်းတင်တာမျိုး လုပ်ပါ။ ဆံပင်ကိုလည်း ဂရုစိုက်ပေးပါ။ ဆံထုံး ထုံးတဲ့အခါမှာ ကော်တွေ သုံးတာ ရှိတယ်မလား၊ ဆံသားနှစ်ခွ မဖြစ်လာအောင်၊ မကြမ်းသွားအောင် ဂရုစိုက်ပေးပါ။
ဟန်းနီးမွန်းအတွက် ပြင်ပါ
စုံတွဲလေးတို့ရေ ဟန်းနီးမွန်းအတွက် ပြင်ဆင်ဖို့လိုပါတယ်။ မင်္ဂလာပွဲပြီးနောက်မှာ ဟန်းနီးမွန်းအတွက် ခရီးဆောင်အိတ်၊ အသုံးအဆောင်တွေ ထည့်ပါ။ နောက်ပြီး လေယာဉ်လက်မှတ်၊ ကားလက်မှတ်စတဲ့ စစ်စရာရှိတာတွေစစ်ပါ။
နှစ်ကိုယ်တူ အိမ်လေးအတွက်
နှစ်ကိုယ်တူ အိမ်လေးအတွက် လိုအပ်တဲ့ အိမ်တွင်း ပြင်ဆင်မှုတွေလည်း လုပ်ပါ။ အရင်ကလည်း ကြိုပြီး လုပ်ထားတယ်ဆိုပေမယ့် မင်္ဂလာဆောင်ပြီး နောက်နေ့မှာလည်း အိမ်သန့်ရှင်းရေးနဲ့ နေထိုင်ဖို့ သေချာ ပြင်ဆင်တာမျိုးလုပ်ပါ။
စုံတွဲလေးတို့ ဒီအချက်လေးတွေ ပြင်ဆင်ပြီးပြီဆုိုရင်တော့ မင်္ဂလာဆောင်ပြီးနောက် အေးအေးဆေးဆေး ဟန်းနီးမွန်း ထွက်လို့ ရပြီနော်။
Credit : Marry
