ကိုယ့်ရဲ့ခရက်ရ်ှနဲ့ပဲဖြစ်ဖြစ်၊ အခုမှမြေစမ်းခရမ်းပျိုး အချစ်ကိုစပြီး စိုက်ပျိုးတော့မယ့်သူပဲဖြစ်ဖြစ် ပထမဆုံးဒိတ်ကိုတော့ ကျော်ဖြတ်ရမှာသေချာပါတယ်။ ယောက်ျားလေးတွေအနေနဲ့ အခုမှစပြီး ချိန်းတွေ့မယ့်မိန်းကလေးနဲ့ အလှဆုံး First Date လေးဖြစ်ဖို့ နေရာအရွေးမမှားဖို့လိုပါတယ်။
အဲဒါကြောင့် ပထမဆုံးချိန်းတွေ့တဲ့အချိန်၊ First Date အတွက် အဆင်ပြေဆုံးဖြစ်မယ့်နေရာလေးတွေနဲ့ တစ်ဖက်ကမိန်းကလေးကို တင့်တင့်တယ်တယ်ဖြစ်စေမယ့် နေရာကောင်းလေးတွေကို ရွေးချယ်နိုင်စေဖို့ ဖော်ပြပေးလိုက်ပါတယ်။
ပထမဆုံး First Date ကို ပေါ့ပေါ့ပါးပါးပုံစံနဲ့ အစပျိုးရင်လည်းဖြစ်သလို တစ်ခမ်းတစ်နားနဲ့ တစ်ဖက်ကမိန်းကလေး သဘောကျသွားစေမယ့် အပြင်အဆင်မျိုးလည်း ဖြစ်ဖို့လိုတယ်။ ဒါပေမဲ့ First Date ဆိုတာ မထင်မှတ်ဘဲ Last Date လည်း ဖြစ်သွားနိုင်တဲ့အတွက် သိပ်ပြီးဟဲဗီးကြီး မစဉ်းစားလည်းဖြစ်ပါတယ်။ အဲဒီတော့ သူ့ကိုတွေ့တော့ တွေ့ကြည့်မယ်၊ လုံးဝသဘောကျလား မကျလားဆိုတာလည်း မသေချာသေးဘူးဆိုရင်တော့ ပေါ့ပေါ့ပါးပါး အေးအေးဆေး လမ်းလျှောက်စကားပြောလို့ရမယ့်နေရာကိုသာ ချိန်းပါ။ ဥပမာ အများသူငါအပန်းဖြေတဲ့ လျှောက်လမ်းလိုနေရာပဲဖြစ်ဖြစ်၊ ညဈေးတန်းလိုနေရာမျိုး၊ မြစ်ကမ်းနားလိုနေရာမျိုးတွေကိုသာ ရွေးချယ်ဖို့ အကြံပြုချင်ပါတယ်။ အဲဒါက တကယ်အန္တရာယ်ကင်းတဲ့ ဒိတ်မျိုးဖြစ်စေနိုင်ပါတယ်။ သူရောကိုယ်ရော လွတ်လွတ်လပ်လပ်စကားပြောလို့ရတော့ ဘာပဲဖြစ်ဖြစ် တစ်ယောက်နဲ့တစ်ယောက် ရှက်ကိုးရှက်ကန်းဖြစ်တာ၊ အနေအထိုင်ခက်တာတွေ မဖြစ်စေတော့ပါဘူး။
နောက်တစ်ခုက ရှိုးပွဲလို၊ တေးဂီတပွဲလို လူစည်းကားပြီး ပျော်လို့ရမယ့်နေရာတွေကို နှစ်ယောက်အတူသွားကြည့်တာမျိုး လုပ်နိုင်ပါတယ်။ ဘယ်လိုဂီတအမျိုးအစားပဲဖြစ်ဖြစ် သူနဲ့ကိုယ်နဲ့ကြားမှာ ခံစားလို့ရမယ့် မြူးဇစ်က ကြားခံအနေနဲ့ရှိနေတော့ သူနဲ့ကိုယ်နဲ့ မြူးဇစ်အကြောင်း၊ သီချင်းတွေအကြောင်း ဆွေးနွေးရင်း ပြောစရာစကားရှားတာမျိုး မဖြစ်တော့ပါဘူး။ နောက်ပြီးတော့ လူတွေက မြူးဇစ်နဲ့တွေ့ရင် အလိုလိုပျော်သွားတတ်ကြတဲ့အတွက် သက်တောင့်သက်သာဖြစ်တဲ့ ဒိတ်လေးဖြစ်မယ်လို့ ထင်ပါတယ်။
အစားအသောက်ကောင်းကောင်းလေးတွေရပြီးတော့ ရှုခင်းကောင်းတဲ့ စားသောက်ဆိုင်လေးတွေကလည်း ပထမဆုံးချိန်းတွေ့တဲ့သူတွေအတွက် ရွေးချယ်သင့်တဲ့နေရာပါပဲ။ အနောက်တိုင်းက ရုပ်ရှင်တွေမှာဆိုရင် မင်းသားက မင်းသမီးကို စားသောက်ဆိုင်ကောင်းကောင်းမှာခေါ်ပြီး ဧည့်ခံတာမျိုးတွေကို ကြည့်ဖူးမြင်ဖူးကြမှာပါ။ သူစိမ်းယောက်ျားတစ်ယောက်နဲ့ မိန်းမတစ်ယောက်အတွက် အချိန်တိုအတွင်း ရင်းနှီးမှုရစေတဲ့ နေရာကောင်းတစ်ခုပါပဲ။
များသောအားဖြင့် ချစ်သူ၊ သမီးရည်းစားတွေဖြစ်သွားတော့မှ အတူဈေးဝယ်ထွက်လေ့ရှိကြပေမယ့် ပထမဆုံးဒိတ်မှာ ဈေးဝယ်ထွက်တဲ့ အလေ့အကျင့်ကိုတော့ သိပ်ပြီးမလုပ်ဖြစ်ကြပါဘူး။ ဒါပေမဲ့ သင့်အနေနဲ့ တစ်ခုခုဝယ်စရာရှိတာကို အကြောင်းပြပြီး ဈေးတန်းလျှောက်ပတ်ကြည့်တာမျိုး လုပ်ခြင်းအားဖြင့် တစ်ဖက်ကမိန်းကလေးက ဘယ်လိုအရာတွေကြိုက်တတ်တယ်၊ ဘယ်လိုအရာတွေကိုတော့ သဘောမကျတတ်ဘူး စသဖြင့် လေ့လာအကဲခတ်နိုင်ပါတယ်။ ပြီးတော့ မိန်းကလေးတွေဆိုတာက ဈေးဝယ်ထွက်ရတာ ကြိုက်တဲ့အမျိုးဆိုတော့ သေချာပေါက်သဘောကျမှာပါ။
Credit;Akhayar
