အရက်မသောက်၊ ဆေးလိပ်မသောက်၊ မိန်းမမရှုပ်တဲ့လူမျိုးဟာ အိမ်ထောင်ဖက်ကောင်းဖြစ်နိုင်ပါ့မလား?

ကိုယ့်ဘဝအတွက်လက်တွဲဖော်ကိုရွေးချယ်တဲ့အခါ အပေါ်ယံတွေကိုကြည့်ပြီးဆုံးဖြတ်တာ မှန်ပါ့မလား?

ငယ်ငယ်တည်းက ကြားဖူးတဲ့ စကားတစ်ခွန်းရှိပါတယ်။ လင်ကောင်းသားကောင်းရပါစေဆိုတဲ့ စကားတစ်ခွန်းပါ။ လင်ကောင်းသားကောင်းဆိုတာ ဘယ်လိုလူမျိုးကိုပြောတာလဲ ဆိုတာပါပဲ။ မိန်းကလေးတစ်ယောက်အနေနဲ့ ကိုယ့်တစ်ဘဝလုံးလက်တွဲသွားမယ့် လက်တွဲဖော်တစ်ယောက်ကို ဘယ်လိုစံနှုန်းမျိုးနဲ့ ရွေးချယ်ကြမလဲဆိုတဲ့ အချက်ကလည်းစဉ်းစားစရာပါပဲ။

ဒီနေရာမှာပြောပြချင်တာက အခုချိန်အထိအရက်မသောက်တတ်တဲ့သူ၊ ဆေးလိပ်မသောက်တတ်တဲ့သူ၊ မိန်းမတွေနဲ့ကင်းကင်းရှင်းရှင်းနေသူတွေဟာ ယောက်ျားကောင်းဖြစ်တယ်။ ဒီလိုယောက်ျားမျိုးကိုသာ မိန်းကလေးတွေရဲ့အိမ်ထောင်ဖက်အဖြစ် ရွေးချယ်သင့်တယ်ဆိုတဲ့ အယူအဆပါ။ ဒီအယူအဆဟာ ရုပ်ရှင်တွေ၊ ဝတ္ထုတွေနဲ့ အစဉ်အလာအတွေးအခေါ်တွေကတစ်ဆင့်မိန်းကလေးတွေအကြားကို ကျယ်ကျယ်ပြန့်ပြန့်ရောက်ရှိနေတာပါ။ ဒီအယူအဆဟာ လက်တွေ့ဘဝမှာ တကယ်ရောမှန်ကန်ပါရဲ့လား။ အရက်မသောက်၊ကွမ်းမစား၊ မိန်းမမပွေမရှုပ်ပေမယ့် မထင်ထားတဲ့အကျင့်ဆိုးရှိနေတဲ့အဖြစ်မျိုးကြုံခဲ့ရရင်ရော ဘယ်လိုလုပ်ကြရမလဲ?

အရက်မသောက်တတ်တာနဲ့ ယောက်ျားကောင်းဖြစ်သွားပြီလား

နောက်ထပ်ပြီးပြောချင်တာက အရက်သောက်၊ ဆေးလိပ်သောက်တတ်တဲ့ယောက်ျားတွေကရော အကျင့်စာရိတ္တပျက်စီးနေသူတွေလားဆိုတာပါပဲ။ အရက်မသောက်၊ ဆေးလိပ်မသောက်တတ်တဲ့ လူတိုင်းဟာလူကောင်းမဖြစ်နိုင်သလို၊ အရက်သောက် ဆေးလိပ်သောက်တတ်တဲ့သူတိုင်းလည်း အကျင့်စာရိတ္တပျက်စီးနေတာမဟုတ်ပါဘူး။ အရက်သောက် ဆေးလိပ်သောက်တာအလွန်အကျွံမဖြစ်ဖို့တော့ လိုပါတယ်။ အဲ့ဒီလိုဖြစ်ဖို့ဆိုတာကလည်း သူကိုယ်တိုင်ကထိန်းသိမ်းတတ်တဲ့သူဖြစ်ဖို့လိုအပ်ပါတယ်။ အရက်သောက်ပြီးအလုပ်အကိုင်မည်မည်ရရမရှိ၊ ရည်မှန်းချက်မရှိသူမျိုးကို ငါပြုပြင်ထိန်းသိမ်းမယ်ဆိုပြီး လက်ထပ်တာဟာလည်းမိုက်မဲတာပါပဲ။ ကိုယ်တိုင်မှမပြင်ဆင်ချင်တဲ့သူကို တခြားဘယ်သူကမှ ပြုပြင်ထိန်းသိမ်းပေးလို့မရပါဘူး။

အဲ့ဒီလိုပဲအရက်မသောက် ဆေးလိပ်မသောက်တတ်သူမျိုးဟာမိန်းကလေးတစ်ယောက်အတွက်အဖော်မွန်ကောင်းဖြစ်တယ်ဆိုတဲ့အယူအဆဟာ ရာနှုန်းပြည့်မမှန်ကန်ပါဘူး။ ဒီတစ်ချက်နဲ့တင် ကိုယ့်အတွက်အဖော်မွန်ကောင်းဖြစ်ပြီလို့ရွေးချယ်ပြီးကာမှအမှားနဲ့ကြုံတွေ့ရတတ်ပါတယ်။

ကိုယ့်ရဲ့ဘဝလက်တွဲဖော်အဖြစ်ရွေးချယ်တဲ့အခါမှာ အရက်မသောက်၊ ဆေးလိပ်မသောက်၊ မိန်းမ မပွေမရှုပ်ဘူးဆိုတဲ့ အချက်တွေထက် ဦးစားပေးလေ့လာသင့်တဲ့အချက်တွေရှိပါသေးတယ်။ပထမဆုံးအချက်က သူဟာတစ်ကိုယ်ကောင်းဆန်သူလားဆိုတာကို ဆန်းစစ်ပါ။ ယောကျာ်းတစ်ယောက်ဟာ ဘယ်လောက်ပဲမိုးပျံအောင် တော်ပါစေ၊ ချမ်းသာအောင်မြင်ပါစေ၊ ပညာတွေတတ်နေပါစေ သူဟာတစ်ကိုယ်ကောင်းဆန်သူဆိုရင် မိန်းကလေးတစ်ယောက်အတွက်လက်တွဲဖော်ကောင်းလုံးဝမဖြစ်နိုင်ပါဘူး။

ကိုယ့်လက်တွဲဖော်က ကြင်နာတတ်သူဖြစ်ရဲ့လား

တစ်ကိုယ်ကောင်းဆန်တယ် မဆန်ဘူးဆိုတာဘယ်လိုသိနိုင်သလဲဆိုရင်တစ်ခုခုဆိုသူ့ဘက်ကိုပဲအရမ်းကြည့်တာမျိုးပါ။ ပြဿနာတစ်ခုခုတက်ပြီဆိုရင် သူကဘယ်တော့မှအလျှော့ပေးဖို့စဉ်းစားမှာမဟုတ်ပါဘူး။ အတူသွားလာကြပြီဆိုရင်လဲသူကြိုက်တာပဲစားချင်တာမျိုး၊ သူသွားချင်တဲ့နေရာကိုပဲသွားရမယ်ဆိုတာမျိုး တစ်ဘက်သားဘယ်လိုနေမလဲမစဉ်းစားဘဲ သူဖြစ်ချင်တာပဲသိတာမျိုးကတစ်ကိုယ်ကောင်းဆန်သူတွေရဲ့အကျင့်တွေပါ။ ဒီလိုအိမ်ထောင်ဖက်မျိုးနဲ့ဆိုရင်တော့ ဂရုစိုက်ကြင်နာခြင်းကို ရရှိမှာမဟုတ်ပါဘူး။ ကြင်နာတတ်တဲ့အမျိုးသားတွေက တစ်ခုခုဆို ကိုယ့်လက်တွဲဖော်ကိုအရမ်း ငဲ့ညှာစဉ်းစားတတ်သူတွေပါ။ သူတို့ဟာဈေးကြီးပစ္စည်းတွေနဲ့ Surprise လုပ်တာမျိုးရှိချင်မှရှိပါလိမ့်မယ်။ ဒါပေမဲ့ တစ်ခုခုဆို ကိုယ့်အတွက်စဉ်းစားပေးတတ်၊ ကိုယ့်အတွက်ဘာလိုလိုအမြဲရှိနေပေးတတ်သူတွေပါ။

အိမ်ထောင်ရေးတစ်ခုမှာ မရှိမဖြစ်လိုအပ်တာကတော့ နားလည်မှုပါ။ တစ်ယောက်ရဲ့ အားနည်းချက်ကိုတစ်ယောက်ကနားလည်ပေးနိုင်မှသာ အိမ်ထောင်တစ်ခုပဲဖြစ်ဖြစ်၊ ချစ်သူဘဝမှာပဲဖြစ်ဖြစ် ခိုင်မြဲမှာပါ။ နောက်ပြီး ဒီနေ့ခေတ်မှာ အိမ်ထောင်တစ်ခုဟာ ယောက်ျားရော၊ မိန်းမပါအပြင်ထွက်အလုပ်လုပ်ကြသလို အိမ်ထောင့်တာဝန်ကိုပါ ခွဲဝေယူကြတဲ့ အိမ်ထောင်ရေးတွေပိုများလာပါတယ်။ ဒီလိုအခါမျိုးမှာယောက်ျားမို့ ပိုက်ဆံပဲရှာပေးမယ်၊ အိမ်ထောင့်တာဝန်ဆိုတာ မိန်းမနဲ့ပဲဆိုင်တယ်ဆိုတဲ့ ယောက်ျားမျိုးဟာအဆင်မပြေပါဘူး။ ဒါဟာတစ်ကိုယ်ကောင်းဆန်ခြင်းတစ်မျိုးပါ။ အပြင်ထွက်ပြီး အတူတူအလုပ်လုပ်ကြသလို အိမ်ထောင့်တာဝန်ကိုပါ ခွဲဝေယူတတ်သူမျိုးက ကိုယ့်အိမ်ထောင်ဖက်အပေါ်ညှာတာသူ၊ စာနာနားလည်တတ်သူ လက်တွဲဖော်ကောင်းပါပဲ။

နောက်ထပ်အရေးကြီးတဲ့အချက်တစ်ခုကတော့ ဘဝကိုအလေးအနက်ထားတတ်ရဲ့လား၊ လက်ကြောတင်းတင်းနဲ့အလုပ်လုပ်ချင်သူလားဆိုတဲ့အချက်ပါ။ ဘဝကိုအလေးအနက်မထားတတ်ပဲ ခပ်ပေါ့ပေါ့နေတတ်ထိုင်တတ်သူတွေဟာ လက်တွဲဖော်ကောင်းဘယ်တော့မှမဖြစ်နိုင်ပါဘူး။ ဒီလိုလူမျိုးတွေဟာဘဝကိုတိုးတက်ဖို့မပြောနဲ့ နေ့စဉ်ရှင်သန်ရပ်တည်ဖို့ကိစ္စတွေကိုတောင်ခေါင်းထဲထည့်မထားဘဲ ပေါ့ပေါ့ဆဆနေတတ်တာကြောင့် သူနဲ့အတူနေသူတွေပါ ဒုက္ခနဲ့ကြုံတတ်ပါတယ်။

နောက်ဆုံးတစ်ခုက အလုပ်မလုပ်ချင်သူတွေ၊ လက်ကြောမတင်းသူတွေပါ။ ဒီလိုလူမျိုးနဲ့သာညားရင်တော့ သူ့ကိုထမင်းရှာကျွေးနေရမှာပါ။ ပြဿနာတစ်ခုခုကြုံရတိုင်းလည်း ဒီလိုလူမျိုးတွေဟာ ကိုယ်နဲ့အတူတူလက်တွဲပြီး ရင်ဆိုင်ဖြေရှင်းဖို့မျှော်လင့်လို့မရပါဘူး။တစ်ကယ်တော့အိမ်ထောင်ပြုတယ်ဆိုတာ လွယ်ကူတဲ့ကိစ္စမဟုတ်ပါဘူး။ သေသေချာချာစဉ်းစားဆင်ခြင်ပြီးမှ ဆုံးဖြတ်သင့်တာမျိုးပါ။ ဒါကြောင့် အပေါ်ယံအချက်တွေနဲ့ လူတစ်ယောက်ကောင်းမကောင်းဆိုတာ မဆုံးဖြတ်ကြဖို့ အကြံပြုလိုပါတယ်။

Credit; Sugar Cane(For Her Myanmar)