အချစ်တွေ အဆုံးသတ်ချိန်ရောက်ပြီလား

အချစ်တွေ အဆုံးသတ်ချိန်ရောက်ပြီလား google.com

အချစ်ရေးတစ်ခုဟာ အဆုံးသတ်တဲ့အချိန်ရောက်လာတဲ့အခါ ဘယ်လောက်ပဲကိုယ့်ဖက်ကဆုပ်ကိုင်ထားဖို့ ကြိုးစားကြိုးစား

အဆင်ပြေနိုင်တော့မှာမဟုတ်ပါဘူး။ တစ်ခါတလေမှာ သင်တို့နှစ်ယောက်ဟာတွဲနေပေမယ့်လည်း သင်တို့ကြားမှာ အချစ်မရှိတော့တာမျိုးလည်းဖြစ်နေတတ်ပါတယ်။ ခုဖော်ပြပေးမှာကတော့ သင်တို့နှစ်ယောက်ကြားမှာ အချစ်မရှိတော့ဘူးဆိုတဲ့ သက်သေ ၄ ခုပဲဖြစ်ပါတယ်။ ဒီလက္ခဏာတွေသင်တို့ကြားမှာဖြစ်နေရင်တော့ တခြားတစ်ယောက်ကို ပြောင်းချစ်လိုက်တာ အကောင်းဆုံးပါပဲ။

 

ဘာမှအလိုမကျတော့ဘူး

သင့်စိတ်ထဲမှာသင့်ချစ်သူနဲ့ပတ်သက်ပြီး အလိုမကျတာတွေအရမ်းများနေပါလိမ့်မယ်။ သူလုပ်သမျှအရာရာတိုင်းက သင့်စိတ်ထဲမှာအလိုမကျစရာတွေချည်းပဲ ဖြစ်နေတော့မှာပါ။ သူဘာပဲလုပ်လုပ်ဟုတ်သည်ဖြစ်စေ၊ မဟုတ်သည်ဖြစ်စေ သင့်ကိုရန်စနေတယ်၊ သင့်ကိုအရွဲ့တိုက်နေတယ်၊ သင့်ကိုစိတ်တိုအောင်ဆွနေတယ်ဆိုပြီးခံစားနေရမှာပါ။ ဒီလိုအလိုမကျမှုတွေများလာရာကနေ စိတ်တွေတို၊ ဒေါသတွေချည်းပဲထွက်နေရပြီး သင်တို့နှစ်ယောက်ကြားမှာ ပျော်စရာတွေထက် ဒေါသထွက်စရာတွေပဲ များများလာမှာဖြစ်ပါတယ်။

 

အမြဲတမ်းဒေါသတွေထွက်နေရတယ်

စိတ်အလိုမကျမှုတွေကနေ ဒေါသတွေပဲထွက်နေရတော့မှာပါ။ ဒေါသတွေကိုဖြေလျော့လိုက်ဖို့အတွက် သင်ဟာသင့်ရဲ့ ချစ်သူကိုလူကြားသူကြားတွေထဲမှာအော်တာငေါက်တာမျိုး၊ စိတ်လိုက်မာန်ပါလုပ်လိုက်တာမျိုးတွေ လုပ်လာတော့မှာပါ။ သင့်ချစ်သူကို ဘာမဟုတ်တဲ့ကိစ္စလေးတွေမှာတောင်စိတ်မရှည်ဖြစ်နေမယ်၊ သူ့ရဲ့အမှားသေးသေးလေးတွေကအစ ဒေါသတွေအကြီးအကျယ်ထွက်နေတာမျိုးတွေ ဖြစ်လာတော့မှာပါ။ အကြောင်းကတော့ သင့်ရင်ထဲမှာ သူ့ကိုမချစ်တော့လို့ပါ။ သည်းခံခြင်းဆိုတာချစ်ခြင်းတရားကနေ ပေါက်ဖွားလာတာမို့ပါ။

 

စိုးရိမ်စိတ်တွေများလာမယ်

သင်ဟာ ချစ်သူအပေါ်ကို အမြဲတမ်းစိတ်လိုက်မာန်ပါပြောဆိုပြီးတဲ့အခါတိုင်းမှာနောင်တရသလိုလို၊ စိုးရိမ်သလိုလိုတွေခံစားနေရမှာပါ။ သင့်ကိုယ်သင်မှားတယ်ဆိုတာလည်းသိတယ်၊ ဒါပေမယ့်လည်းမပြင်နိုင်ဘူး၊ သင့်ကိုထားခဲ့မှာလည်းကြောက်နေသလိုလိုတွေခံစားရမှာဖြစ်ပါတယ်။ ဒီလိုခံစားချက်တွေရှုပ်ထွေးလာလေလေ သင့်ချစ်သူကိုစိတ်တိုလာလေလေဖြစ်မှာပါ။ သင့်ရဲ့အချစ်ရေးဟာ သင့်ကိုစိတ်ဒုက္ခအပေးဆုံးလို့ခံစားနေရမှာပါ။ အကြောင်းကတော့ သင့်စိတ်ထဲမှာအချစ်မရှိတော့ပဲ သံယောဇဉ်တွေပဲကျန်တော့တာကြောင့်ပါ။

 

အထီးကျန်နေမယ်

လူနှစ်ယောက်ဟာစိတ်တွေဝေးနေတဲ့အခါမှာ အတူတူရှိနေရင်တောင်အထီးကျန်နေတတ်ပါတယ်။ သင်ဟာ ချစ်သူရှိနေရက်နဲ့တောင်အထီးကျန်နေတယ်၊ လွမ်းဆွေးနေသလိုလို၊ အသည်းကွဲနေသလိုလိုခံစားနေရတာဟာ သင်တို့နှစ်ယောက်ကြားမှာအချစ်တွေမရှိတော့လို့ပဲဖြစ်ပါတယ်။ ဒီလိုဖြစ်နေရက်နဲ့တောင်သူ့ကိုမဖြတ်နိုင်ဘူး၊ သူ့လက်ကိုဆုပ်ကိုင်ထားဆဲပဲဆိုရင် အချစ်ကြောင့်မဟုတ်ပါဘူး။ သံယောဇဉ်တွေကြောင့်ပဲဖြစ်ပါတယ်။

 

ဖော်ပြထားတဲ့အချက်တွေအတိုင်းဖြစ်နေပြီ်ဆိုရင်တော့ သင့်အနေနဲ့သူ့ကိုဆက်တွဲနေလည်းဒဏ်ရာတွေသာ ပိုများလာမှာဖြစ်ပါတယ်။ ဒါကြောင့် ပြတ်နေပြီဖြစ်တဲ့ကြိုးကို ဆက်မနေတော့ပဲလွှတ်လိုက်ပါတော့။ နောက်တစ်ယောက်နဲ့ ပျော်စရာကောင်းတဲ့အချစ်ရေးလေးကို အသစ်ပြန်လည်တည်ဆောက်ဖို့ သင့်ကိုသင်ရော၊သူ့ကိုရော အခွင့်ပေးလိုက်သင့်ပါပြီ။

 

 

Credit : Auntymay

Myanmar Wedding Guide

Read 1494 times Last modified on Friday, 08 March 2019 15:28
Rate this item
(0 votes)