မိန်းကလေးတွေ ကိုယ့်ချစ်သူဆီကနေ လိုချင်တဲ့အရာ (၆) ခု

မိန်းကလေးတွေ ကိုယ့်ချစ်သူဆီကနေ လိုချင်တဲ့အရာ (၆) ခု google.com

နှစ်ဦးသားလက်တွဲတဲ့အခါ အမျိုးသမီးတွေဘက်ကလိုချင်တာ၊ မျှော်လင့်တာတွေရှိပါတယ်။

တချို့အချက်တွေကနားလည်ပေးနိုင်ပေမဲ့ တချို့အချက်တွေကတော့နှစ်ဦးသားလမ်းခွဲတဲ့ထိဖြစ်သွားနိုင်ပါတယ်။ ဒီမျှော်လင့်ချက်တွေက ဘာတွေလဲဆိုတာ ပြောပြပေးပါ့မယ်နော်။

 

အချစ်ခံချင်တယ်

အချစ်ခံချင်တယ်ဆိုတာ အမျိုးသားတွေထင်သလို ဂရုစိုက်ခံချင်တာမျိုးမဟုတ်ပါဘူး။ အချစ်ခံရတယ်ဆိုတဲ့ခံစားချက်ကိုရတဲ့အခါ စိတ်ထဲမှာတင်းကြပ်နေတာတွေ ပြေလျော့သွားပြီးပျော်ရွှင်သွားလေ့ရှိပါတယ်။ ကိုယ့်ကိုချစ်တဲ့လူနဲ့ အတူရှိနေရင်းလုံခြုံမှုရှိတယ်လို့ ခံစားရတာဖြစ်ပါတယ်။

 

လုံခြုံမှု

ငယ်ရွယ်စဉ်ဘဝကတည်းက အမျိုးသမီးတွေဟာချုပ်တည်းမှုတွေရှိဖို့ ပိုသင်ကြားခံရလေ့ရှိပါတယ်။ ဒါပေမဲ့သူတို့မှာ ပွင့်ပွင့်လင်းလင်းပြောဆိုနေထိုင်ချင်တာ၊ တိုင်ပင်ချင်တာတွေရှိပါတယ်။ ဒါကြောင့် လက်တွဲဖော်ဆီကလုံခြုံမှုကို မျှော်လင့်တတ်ပါတယ်။ လက်တွဲဖော်နဲ့အတူရှိတဲ့အချိန်တွေမှာ ကိုယ့်ကိုကိုယ်လုံခြုံမှုရှိတဲ့ ခံစားချက်မျိုးဖြစ်ပါတယ်။

 

အမြင်ခံချင်တယ်

ဝတ်လာတာကိုလှတယ်လို့ အပြောခံချင်တာမျိုးမဟုတ်ပါဘူး။ တစ်ဖက်လူစိတ်ထဲဘာတွေခံစားနေရလဲ မြင်စေချင်တာဖြစ်ပါတယ်။ တစ်ဖက်လူပြောချင်တဲ့စကားတွေကိုမပြောဘဲနဲ့ ကြားစေချင်တာဖြစ်ပါတယ်။ တစ်ဖက်လူရဲ့ ခံစားချက်အခြေအနေကို သိရှိနားလည်စေချင်တာဖြစ်ပါတယ်။

 

ပူးပေါင်းပါဝင်ချင်တယ်

အမျိုးသားတွေဟာဦးဆောင်ရမယ်ဆိုတဲ့ သင်ကြားမှုတွေရှိတာကြောင့် အမျိုးသားတွေက အမြဲတမ်းရှေ့ကဦးဆောင်ချင်ကြပါတယ်။ ဦးဆောင်တာကနေကြီးစိုးတဲ့အဆင့်ထိ ဖြစ်လာတတ်ပါတယ်။ ဒါမျိုးမလိုချင်ပါဘူး။ ဘယ်ကိစ္စမဆို နှစ်ဦးသားပူးပေါင်းဖြေရှင်းတာမျိုးပဲ ကြိုက်ပါတယ်။ ဝမ်းနည်းစရာတွေရှိရင်ဖွင့်မပြောတာမျိုးကို သဘောမကျပါဘူး။ နှစ်ဦးသားဝေမျှခံစားချင်ပါတယ်၊ ကူညီနိုင်တာတွေကူညီချင်ပါတယ်။

 

တန်ဖိုးထားစေချင်တယ်

မိန်းကလေးဟာလည်း သူတို့ကိုတန်ဖိုးထားစေချင်ကြပါတယ်။ တန်ဖိုးထားကြောင်းပြဖို့ ယောကျာ်းလေးတွေလောက် အလုပ်ရှုပ်ခံစရာတောင်မလိုပါဘူး။ သူတို့ကိုချစ်ကြောင်းပြတဲ့အပြုအမူလေးတွေကတစ်ဆင့် တန်ဖိုးထားတယ်လို့ သူတို့ခံစားရပါတယ်။

 

အားကိုးချင်တယ်

ကိုယ်တွဲတဲ့လူဟာအားကိုးရတဲ့လူဖြစ်စေချင်တာ မိန်းကလေးတိုင်းရဲ့ဆန္ဒပါ။ အားကိုးထိုက်တယ်လို့ ဘယ်အချိန်မှာခံစားရတယ်ဆိုတာကတော့ တစ်ဦးချင်းဆီပေါ်မူတည်ပါတယ်။ သူတို့မှာက သူတို့နှစ်သက်တဲ့ပုံစံမျိုးတွေရှိပါတယ်။

 

Credit : loveshop

Myanmar Wedding Guide

Read 691 times Last modified on Wednesday, 13 March 2019 13:44
Rate this item
(2 votes)