ဘယ်သူကရော ချစ်သူနဲ့ လမ်းခွဲပြီး အမှောင်ထဲ တိုးသွားချင်ပါ့မလဲ။
ဒါပေမယ့် အသည်းကွဲတယ်ဆိုတာ မိုးရာသီဗိုင်းရပ်စ်လိုပဲ ကိုယ်ခံအားနည်းနေချိန်မှာ ကြုံတတ်ပါတယ်။ ချစ်သူနှစ်ဦးအကြား ကိုယ်ခံအားနည်းသွားလို့ လမ်းခွဲရပြီးတဲ့နောက်မှာ ဘယ်လိုဆက်နေရမလဲဆိုတာ အရေးကြီးပါတယ်။
- ဘာကိုမှ အလျင်စလို မလုပ်ပါနဲ့ 
အသည်းကွဲပြီးနောက် ချက်ချင်းဆုံးဖြတ်ရင် အားလုံး မှားကုန်ပါလိမ့်မယ်။ အသည်းကွဲတယ်ဆိုတာ တစ်ခါတစ်လေ ခြုံခုံတိုက်ခိုက်ခံရသလိုမျိုး အစီအစဉ်မရှိ ပျက်စီးယိုင်လဲတတ်တဲ့ ဖြစ်ရပ်တစ်ခု ဖြစ်ပါတယ်။ ဒီလို လဲသွားချိန်မှာ ဖြစ်ပေါ်လာတဲ့ ယာယီစိတ်ကူးပေါက်သလို လျှောက်လုပ်တာ မှားပါတယ်။ အကောင်းဆုံးက မှားနေတဲ့ လမ်းကို ဆက်မသွားဘဲ ခဏလေး စဉ်းစားဖို့ အချိန်ယူသင့်ပါတယ်။
- နာကျင်တာ ခံစားလိုက်ပါ
ရှောင်မရတဲ့ ခံစားချက်ကို တည့်တည့်ရင်ဆိုင်ဖို့ ကောင်းပါတယ်။ စိတ်အနာကို အသိအမှတ်ပြုတာဟာ မြုံသွားတာထက် ပိုကောင်းပါတယ်။ တကယ်လည်း ဝမ်းနည်းနေတာပဲ ဘာကို ဟန်ဆောင်ရမလဲ တစ်ခုပဲ ကြေကွဲဖို့ အတွက် အချိန်အများကြီး မယူပါနဲ့ ။
- နောက်တစ်ယောက် ချက်ချင်း မထားနဲ့ 
One Goes , Two Come ဆိုတာ မှန်ပင်မှန်ငြားပေမယ့် အချိန်ကို စကားပြောခွင့်ပေးလိုက်ပါ။ တစ်ယောက်ပြတ်လို့မှ အသည်းမအေးသေးဘူး နောက်တစ်ယောက်နဲ့  ရည်းစားဖြစ်တဲ့သူမှာ ဘာကို အလေးအနက် ရှိတော့မှာလဲ။ နောက်ပြီး ကိုယ့်ကို ယုံပြီး ကိုယ့်အချစ်ကို လက်ခံလိုက်တဲ့ ဒုတိယမြောက်တစ်ယောက်ကိုရော ဘယ်လိုလုပ် လိပ်ပြာလုံတော့မလဲ။ ဒီအပိုင်းမှာ တတ်နိုင်သမျှ အချိန်ယူပါ။
- ဖြစ်သမျှ အခြေအနေကို လက်ခံပါ
အသည်းကွဲတာမှာ နောက်ဆက်တွဲ ဆိုးကျိုးတစ်ခု ရှိပါတယ်။ ကိုယ်ချစ်ခဲ့တဲ့ အဆက်ဟောင်းက နောက်ရည်းစားတစ်ပွေနဲ့ ဆိုရင် ဘာဆက်လုပ်မလဲ။ အကောင်းဆုံးက ဖြစ်သမျှအခြေအနေကို လက်ခံပြီး ကိုယ့်ရဲ့ ကိုယ်နဲ့ စိတ်ကို ပြုပြင်နေသင့်ပါတယ်။
- အဆက်အသွယ်ဖြတ်ပါ
အဆက်ဟောင်းဟာ တစ်ချိန်က ကိုယ့်အပေါ် ဘယ်လောက်ကောင်းကောင်း အတိတ်မှာပဲ ကျန်ခဲ့ပြီဆိုတာကို ဒီအချိန်မှာ သေသေချာချာ သိနားလည်လက်ခံထားဖို့ လိုပါတယ်။ အခုအချိန်ဟာ ဘဝသစ်ကို ခြေလှမ်းဖို့အတွက် အချိန်ဖြစ်ပါတယ်။-
- မိသားစုနဲ့ မိတ်ဆွေတွေကို အချိန်ပေးပါ
ပတ်ဝန်းကျင်သစ်ကို ရှာဖို့လိုသလို ကိုယ့်ပတ်ဝန်းကျင်ဟောင်းကိုလည်း ပစ်ထားလို့မရပါဘူး။ အထူးသဖြင့် အသည်းကွဲချိန်မှာ အထီးကျန်နေတာထက် မိသားစုနဲ့အတူ ၊ မိတ်ဟောင်းဆွေဟောင်းတွေနဲ့အတူ ပျော်ပျော်ရွှင်ရွှင်ကြီး ဖြတ်သန်းတာဟာ အနာကျက်မြန်ပါတယ်။
- အခွင့်အလမ်းအဖြစ် မြင်ပါ
တစ်ခါတစ်လေမှာ စိတ်ဖြေတွေး တွေးဖို့လိုပါတယ်။ အသည်းကွဲတယ်ဆိုတာ အသစ်စဖို့ပိုကောင်းတဲ့ အချိန်ဖြစ် ပါတယ်။ ပုံစံသစ်နဲ့ ဒီဇိုင်းသစ်ဆွဲပြီး အရည်အသွေးပိုကောင်းတဲ့ အချစ်ရေးကို စတင်နိုင်ပါတယ်။
