သတို့သား၊ သတို့သမီးလေးတို့ မင်္ဂလာပွဲလေးပြီးရင် နှစ်ယောက်တည်းတိုင်းပြည်ကို ဘယ်မှာတည်ဆောက်မယ်စိတ်ကူးထားလဲ။
လက်ထပ်ပြီးနောက်မှာ တစ်အိုးတစ်အိမ်ခွဲမနေဖြစ်ဘဲ ယောက္ခမအိမ်မှာလိုက်နေမယ်ဆိုရင်တော့ သိထားသင့်တဲ့ အချက်တွေရှိပါတယ်။ ဒါမှ ယောက္ခမနဲ့ အဆင်ပြေမှာမလား။
ယောက္ခမအကြောင်းကြိုသိထားပါ
ဘယ်သူ့အိမ်ပဲလိုက်နေနေ ယောက္ခမအကြောင်းကို သိထားဖို့လိုအပ်ပါတယ်။ ကိုယ့်ယောက္ခမကစည်းကမ်းတင်းကျပ်တဲ့သူလား၊ လူကြီးအရမ်းဆန်လား၊ ပေါ့ပေါ့ပါးပါးနေတတ်တဲ့သူလား အစရှိသဖြင့်သိထားရမယ့်ကိစ္စတွေ အရမ်းများပါတယ်နော်။ ဒီလိုအချက်တွေကိုကြိုတင်ပြီးသိထားမယ်ဆိုရင် သူမကြိုက်တဲ့အချက်တွေမလုပ်မိအောင် ကြိုပြီးပြင်ဆင်လို့ရမှာပါ။
အလိုက်သိပါ
တစ်အိမ်ထဲမှာစုပေါင်းပြီးနေရမယ်ဆိုရင် တစ်ယောက်နဲ့တစ်ယောက်အဆင်ပြေစေဖို့ အလိုက်သိဖို့လိုအပ်ပါတယ်နော်။ ဒါကလည်း အရမ်းကိုအရေးကြီးပါတယ်။ မိသားစုဝင်တွေနဲ့ပြေလည်အောင် အလိုက်တသိနေရပါမယ်။ အိမ်မှုကိစ္စတွေ၊ လူမှုရေးကိစ္စတွေမှာ အလိုက်တသိပါဝင်ဖို့လိုပါတယ်။ ဒါမှ ယောက္ခမကလည်း ကိုယ့်ကိုကြည်ဖြူနိုင်မှာပါ။
Read More : လင်မယားတွေကြားထဲ ယောက္ခမတွေပါလာတဲ့အခါ
လိုက်နာပါ
ယောက္ခမအိမ်မှာလိုက်နေမယ်ဆိုရင် ယောက္ခမရဲ့စည်းကမ်းတွေရှိမှာပါ။ ဒါတွေကို လိုက်နာဖို့လိုပါတယ်နော်။ ညဘက်မိုးချုပ်အပြင်ထွက်တာ၊ မိုးချုပ်မှပြန်လာတာ၊ ညစာကိုအပြင်မှာ ထွက်စားတာမျိုးတွေ ဆင်ခြင်ဖို့လိုပါတယ်။
ကန့်သတ်ချက်တွေ ရှိပါ
မိသားစုဝင်တွေ အတူတကွနေတဲ့အခါ ကန့်သတ်ချက်တွေ ရှိဖို့လိုပါတယ်။ ကိုယ်ရေးကိုယ်တာကိစ္စတွေမှာ ဝင်ရောက်စွက်ဖက်တာမျိုးတွေမလုပ်ပါနဲ့။ သီးသန့်သုံးတဲ့ပစ္စည်းတွေကို ခွင့်မတောင်းဘဲ ယူကိုင်တာမျိုးရှောင်ပါ။ ထမင်း၊ ဟင်း အတူတူစုပြီးချက်စားတာမျိုးဆိုရင်လည်း ဟင်းမကြိုက်လို့ အရမ်းဇီဇာကြောင်တာမျိုးတွေရှောင်ပါ။
အကောင်းမြင်စိတ်မွေးပါ
မိသားစုဝင်တွေ အချင်းချင်းအဆင်ပြေဖို့ဆိုရင် တစ်ဦးနဲ့တစ်ဦး အကောင်းမြင်စိတ်တွေ ရှိဖို့လိုပါတယ်။ ကိုယ်ကိုယ်တိုင်က အစအကောင်းမြင်စိတ်မွေးပါ။ ကိုယ့်ရဲ့မိဘအိမ်မှာလို အဆင်မပြေတာတွေကြုံလာတဲ့အခါမှာလည်း စိတ်ပျက်အားငယ်နေတာမျိုးမလုပ်ဘဲ ဒါကဖြစ်တတ်တဲ့သဘာဝပဲလို့ တွေးပေးဖို့လိုပါတယ်။
ယောက္ခမနဲ့အတူတူနေမယ်ဆိုရင် အဆင်ပြေစေဖို့ ပြောပြထားတဲ့အချက်တွေကိုမမေ့ပါနဲ့နော်။
Credit : Marry
