News & Tips

Friday, 18 September 2020 11:28

Lee Min-jung နှင့် Lee Byun Hun တို့ကို ကြည့်ပြီး အိမ်ထောင်ပြုချင်စိတ် ပေါက်တယ်လို့ Lee Sang Yeob ဖွင့်ဟဝန်ခံ

ရုပ်ရှင်သရုပ်ဆောင် Lee Sang Yeob က မင်းသမီး Lee Min-jung နဲ့ မင်းသား Lee Byun Hun တို့စုံတွဲကို ကြည့်ပြီး အားကျမိတာကြောင့် သူလည်း လက်ထပ်ထိမ်းမြားလိုကြောင်း စက်တင်ဘာ ၁၄ ရက်နေ့တွင် စာနယ်ဇင်းများနှင့်တယ်လီဖုန်းဖြင့် အင်တာဗျူးလုပ်ခဲ့တာမှာ ဖွင့်ဟပြောကြားခဲ့ပါတယ်။ အင်တာဗျူးမှာ သူက 'Once Again' မှာ Lee Min-jung က တွဲဖက်သရုပ်ဆောင်အဖြစ် ပါဝင်ထားလို့ အတူတကွ သရုပ်ဆောင်ဖြစ်ကြကြောင်း ပြောပြပါတယ်။ Lee Sang Yeob က“ Lee Min-jung ကို အရင်ကတည်းက ကျွန်တော်သိပြီးသားပါ။ ဒါကြောင့် သူမနဲ့အတူ အလုပ်လုပ်ရတာ အရမ်းအဆင်ပြေပါတယ်။ သူ့ခင်ပွန်း Lee Byung Hun ကလည်း ကျွန်တော်တို့ရဲ့ဒရာမာကို စောင့်ကြည့်နေပြီး သူကအကြံဉာဏ်ကောင်းတွေ အများကြီးပေးခဲ့တယ်” လို့ ပြောပါတယ်။     မင်းသမီးက Lee Min-jung သည်မိသားစုကို ဦး စားပေးသူဖြစ်ကြောင်းလည်း သူက ပြောပြတယ်။ သူမရဲ့ သားကို ရိုက်ထားတဲ့ ဗီဒီယိုများကို အမြဲကြည့်နေပြီး သားရဲ့ ဓာတ်ပုံများကိုလည်း ရိုက်ကွင်းမှာ အချိန်ရတိုင်း ဖုန်းမှာ ဖွင့်ကြည့်လေ့ရှိတယ်လို့ Lee Min-jung က ပြောပြတယ်။သူက ဆက်ပြီးပြောပြတာမှာ “ ငါတို့အနားယူချိန်မှာ သူကို ကြည့်လိုက်ရင် ဖုန်းစခရင်ကို ကြည့်ရင်း ပြုံးနေတာကို တွေ့ရတယ်။ Lee Byun Hun က သားရဲ့ ဓာတ်ပုံတွေ ဗီဒီယိုတွေ ရိုက်ပြီး ပို့ပေးလိုက်တာကို ကြည့်ရင်း ပြုံးပျော်နေတာ "     သူက Lee Lee Min-jung ကို ကြည့်ပြီး မကြာမီ လက်ထပ်လိုက်ဖို့ ဆန္ဒဖြစ်မိတယ်လို့ ပြောပါတယ်။ Lee Min-jung နှင့် Lee Byun Hun တို့က ၂၁၀၃ ခုနှစ် ဩဂုတ်လမှ လက်ထပ်ခဲ့ကြတာဆိုတော့ အိမ်ထောင်သက်တမ်း ၇ နှစ်ကျော်ပါပြီ။ သားလေးကို ၂၀၁၅ ခုနှစ် မတ်လမှာ မွေးဖွားခဲ့ပါတယ်။ အခုဆိုရင် ၅ နှစ်သား ရှိပါပြီ။ ရုပ်ရှင်လောကသားတွေအကြား အားကျစရာ ချမ်းမြေ့တဲ့ မိသားစုဘဝတစ်ခုကို ရရှိနေကြပါတယ်။     Source: news.sbs.co.kr
Monday, 14 September 2020 11:23

၂၀၂၀ခုနှစ် စက်တင်ဘာလ ၁၄ ရက်နေ့မှ ၂၀ ရက်နေ့အထိ တစ်ပတ်စာ သင့်ကံကြမ္မာ

တနင်္ဂနွေ   အလုပ်အတွက် အင်တာဗျူးဝင်ရမည်။ အောင်မြင်မည်။ ဝင်ငွေကောင်းမည်။ လယ်ယာသုံးစက်ပစ္စည်းဝင်မည်။ ဝန်ထမ်းဖြစ်ပါက လုပ်ငန်းထဲမှာ စိတ်ညစ်ရမည်။ မော်တော်ဆိုင်ကယ်အသစ်ဝင်မည်။ အမှုအတွက် သတင်းကောင်းကြားရမည်။ ရေလုပ်ငန်း နှင့် ရေထွက်ပစ္စည်းရောင်းဝယ်ရေး လုပ်ငန်းကောင်းမည်။ အိမ်အနီးအနားမှာ နာရေးပေါ်မည်။ နားရေးပေါ်ပါက ဖိနပ်ဟောင်းတစ်ရံစွန့်ပစ်ပါ။ နေအိမ်ပေါ်သို့လည်းကောင်း၊ နေအိမ်ခြံဝန်းထံသို့လည်းကောင်း လိပ်တစ်ကောင်ဝင်ပါက ‘၂’ အစ ‘၈’ အဆုံး အစိုးရထီထိုးပါ။ ပညာရေးမှာ အနှောင့်အယှက်ပေါ်မည်။ ကျန်းမာရေးအနေဖြင့် ခြေထောက်နာမည်။ အချစ်ရေးမှာ ကံကောင်းပါသည်။ လက်ထပ်မင်္ဂလာပြုရကိန်းရှိသည်။   ကံကောင်းသောဂဏန်းများမှာ ၂၊ ၈၊ ၉ ဂဏန်းများ ဖြစ်ပါသည်။ ကံကောင်းသောအရောင်မှာ ခိုပြာရောင် ဖြစ်ပါသည်။   ယတြာ။ ။ တနင်္ဂနွေနေ့တွင် နေအိမ်ဘုရားစင်မှာ အုန်းထမင်း ကပ်လှူပါ။     တနင်္လာ   အိမ်ပြင်၊ အိမ်ဆောက်ကိန်းရှိသည်။ မော်တော်ကား အရောင်းအဝယ် ဖြစ်မည်။ နိုင်ငံခြားမှ သတင်းကောင်းရောက်မည်။ နိုင်ငံခြားငွေနှင့် ပတ်သက်ပြီး အကျိုးအမြတ်ရမည်။ အလုပ်ရှာနေပါက (သို့မဟုတ်) အလုပ်လျှောက်ထားပါက အလုပ်ရမည်။ မော်တော်အတွက် ငွေကုန်မည်။ ဈေးရောင်းဈေးဝယ်၊ ကုန်ရောင်းကုန်ဝယ် ကောင်းမည်။ လုပ်ငန်းသစ်ပေါ်မည်။ သို့မဟုတ်ပါက ဆိုင်သစ်ဖွင့်ရမည်။ နိုင်ငံရေးလုပ်ပါက အတိုက်အခံများ၏ ထိုးနှက်မှုကို အကြီးအကျယ်ခံရလိမ့်မည်။ နေအိမ်သို့ ဘူးသီးတစ်လုံးရောက်လာပါက ‘၁’ အစ ‘၃’ အဆုံး အစိုးရထီထိုးပါ။ ပညာရေးနှင့် ပတ်သက်ပြီး အခြေအနေကောင်းပါသည်။ ကျန်းမာရေးအနေဖြင့် အရိုးကျီးပေါင်း ရောဂါရမည်။ အချစ်ရေးမှာ ချစ်သူ၏ စွန့်ခွာသွားမှုကို ခံရမည်။ အိမ်ထောင်ရေးမှာလည်း ပေါက်ကွဲလုနီးပါး အခြေအနေမျိုး ဖြစ်ပါသည်။   ကံကောင်းသောဂဏန်းများမှာ ၁၊ ၃၊ ၈ ဂဏန်းများ ဖြစ်ပါသည်။ ကံကောင်းသောအရောင်မှာ ကျောက်စိမ်းရောင် ဖြစ်ပါသည်။   ယတြာ။ ။ တနင်္လာနေ့တွင် နေအိမ်ဘုရားစင်မှာ သက်သက်လွတ် ကြာဇံကြော် ကပ်လှူပါ။     အင်္ဂါ လယ်ယာမြေ (သို့မဟုတ်) အိမ်ဝိုင်း အရောင်းအဝယ် ဖြစ်မည်။ ရွှေဝင်မည်။ ဝင်ငွေကောင်းမည်။ နိုင်ငံခြားသံရုံးတစ်ရုံးမှာ ဗီဇာလျှောက်ထားပါက ၎င်းစပ်တူရှယ်ယာလုပ်ငန်းမှာ ပြဿနာအနည်းငယ် ဖြေရှင်းရမည်။ တယ်လီဖုန်းအသစ်ဝင်မည်။ စာချုပ်စာတမ်းတစ်ခုပြုလုပ်ရမည်။ သော့ပျောက်မည်။ အိမ်အနီးအနားမှာ နာရေးပေါ်မည်။ နေအိမ်သို့ အပ်ချုပ်စက်တစ်လုံးရောက်လာပါက ‘၄’ အစ ‘၆’ အဆုံး အစိုးရထီထိုးပါ။ ပညာရေးမှာ ကံကောင်းပါသည်။ နိုင်ငံခြားပညာတော်သင်ရွေးချယ်ခံရသော သတင်းကြားရမည်။ ကျန်းမာရေးအနေဖြင့် ဝမ်းကိုက်မည်။ အချစ်ရေးမှာ ကံကောင်းပါသည်။ ချစ်သူနှင့်အတူ အလှူပေါ်မည်။ အိမ်ထောင်ရေးလည်း သာယာပါသည်။   ကံကောင်းသောဂဏန်းများမှာ ၄၊ ၆၊ ၉ ဂဏန်းများ ဖြစ်ပါသည်။ ကံကောင်းသောအရောင်မှာ မရမ်းစေ့ရောင် ဖြစ်ပါသည်။   ယတြာ။ ။ အင်္ဂါနေ့တွင် နေအိမ်ဘုရားစင်မှာ ဘူးသီးကြော် ၅ ခု ကပ်လှူပါ။     ဗုဒ္ဓဟူး   အိမ်၊ အိမ်ခန်း၊ တိုက်ခန်း၊ ကွန်ဒိုခန်း အရောင်းအဝယ် ဖြစ်မည်။ ဝန်ထမ်းဖြစ်ပါက လုပ်ငန်းပြောင်း (သို့မဟုတ်) လုပ်ငန်းနေရာပြောင်း ဖြစ်မည်။ ဆေးရုံသို့ လူနာပို့၊ လူနာမေးသွားရမည်။ ရပ်ဝေးမှ ငွေရောက်မည်။ သို့မဟုတ် ရပ်ဝေးသို့ ငွေပို့ရလိမ့်မည်။ နေအိမ်သို့ သေတ္တာတစ်လုံးရောက်ပါက ကံညံ့မည်။ နိုင်ငံရေးလုပ်ပါက နိုင်ငံရေးလှုပ်ရှားမှုများ အောင်မြင်မည်။ သူခိုးခိုးခံရတတ်ပါသည်။ သတိထားပါ။ နေအိမ်သို့ မြေအိုး (သို့မဟုတ်) စဉ့်မြေအိုး တစ်လုံးရောက်ပါက ‘၇’ အစ ‘၈’ အဆုံး အစိုးရထီထိုးပါ။ ပညာရေးမှာ အခြေအနေမကောင်းပါ။ ကျန်းမာရေးအနေဖြင့် သွားကိုက်မည်။ အချစ်ရေးညံ့ပါသည်။ ချစ်သူ၏ အထင်မှားမှုကို ခံရမည်။ အိမ်ထောင်ရေးမှာလည်း သာယာမှုမရှိပါ။   ကံကောင်းသောဂဏန်းများမှာ ၅၊ ၇၊ ၈ ဂဏန်းများ ဖြစ်ပါသည်။ ကံကောင်းသောအရောင်မှာ ကာကီရောင် ဖြစ်ပါသည်။   ယတြာ။ ။ ဗုဒ္ဓဟူးနေ့ ဗုဒ္ဓဟူးထောင့်မှာ ကံကော် ၉ ညွန့်၊ မြေဇာ ၉ ညွန့်၊ အုန်း ၉ ညွန့် ကပ်လှူပါ။     ကြာသပတေး   တိုက်ခန်း၊ အိမ်ခန်း လျှောက်ထားပါက သတင်းကောင်းရမည်။ လူမှုရေးလုပ်ငန်း၊ ပရဟိတလုပ်ငန်းများမှာ အခက်အခဲပေါ်မည်။ အစိုးရဝန်ထမ်းဖြစ်ပါက ရာထူးတိုး စာမေးပွဲ ဖြေရမည်။ အောင်မြင်မည်။ ဆိုင်ကယ်အတွက် သောကများမည်။ ရေလုပ်ငန်း၊ ရေထွက်ပစ္စည်းရောင်းဝယ်ရေးလုပ်ငန်းမှာ အခက်အခဲပေါ်မည်။ ဆွေမျိုးအကြီးအကဲတစ်ဦးထံမှ အကူအညီရမည်။ နေအိမ်မှာ ပိုးဟပ်များပျံဝဲနေပါက ‘၁’ အစ ‘၃’ အဆုံး အစိုးရထီထိုးပါ။ ပညာရေးမှာ တိုးတက်မှုရှိပါသည်။ ကျန်းမာရေးအနေဖြင့်ခါးနာမည်။ အချစ်ရေးမှာ ကံညံပါသည်။ ချစ်သူနှစ်ဦးကြားမှာ အနှောင့်အယှက်ပေါ်မည်။ အိမ်ထောင်ရေးလည်း မကောင်းပါ။   ကံကောင်းသောဂဏန်းများမှာ ၁၊ ၃၊ ၄ ဂဏန်းများ ဖြစ်ပါသည်။ ကံကောင်းသောအရောင်မှာ ရွှေအိုရောင် ဖြစ်ပါသည်။   ယတြာ။ ။ ကြာသပတေးနေ့ ကြာသပတေးထောင့်မှာ ရွှေထီး ၄ လက်ကပ်လှူပါ။   သောကြာ မော်တော်ပြင်ရမည်။ မြေအရောင်းအဝယ်အတွက် စရံငွေအပေးအယူ စာချုပ်ချုပ်ဆိုရလိမ့်မည်။ အလုပ်ရှာနေပါက (သို့မဟုတ်) အလုပ်လျှောက်ထားပါက အလုပ်ရမည်။ ဈေးရောင်းဈေးဝယ်၊ ကုန်ရောင်းကုန်ဝယ် ကောင်းမည်။ ကြွေးပြန်ဆပ်နိုင်မည်။ ကုသိုလ်ကောင်းမှု ပြုလုပ်ရမည်။ ကျောက်မျက်ရတနာ ရောင်းဝယ်ရေးလုပ်ငန်း၊ ကျောက်စိမ်းရောင်းဝယ်ရေးလုပ်ငန်းမှာ ထူးထူးခြားခြား ကောင်းမွန်မည်။ မြွေတွေ့ပါက (သို့မဟုတ်) မြွေကိုအိမ်မက်ထဲမှာ မြင်မက်ပါက ‘၂’ အစ ‘၉’ အဆုံး အစိုးရထီထိုးပါ။ ပညာရေးမှာ ကူညီမည့်သူပေါ်မည်။ ကျန်းမာရေးအနေဖြင့် လည်ချောင်းနာမည်။ အချစ်ရေးမှာ သာယာပါသည်။ ချစ်သူနှင့်အတူ မင်္ဂလာခန်းဝင်ပစ္စည်းများ အတူသွားဝယ်ရမည်။ အိမ်ထောင်ရေးလည်း သာယာပါသည်။   ကံကောင်းသောဂဏန်းများမှာ ၂၊ ၅၊ ၉ ဂဏန်းများ ဖြစ်ပါသည်။ ကံကောင်းသောအရောင်မှာ ပုလဲရောင် ဖြစ်ပါသည်။   ယတြာ။ ။ သောကြာနေ့ သောကြာထောင့်မှာ ဆွမ်းပေါ်မှာ သကြားတင်ပြီး ကပ်လှူပါ။     စနေ   နိုင်ငံခြားခရီးအတွက် သတင်းကောင်းကြားရမည်။ အိမ်နေရာ အရွှေ့အပြောင်း ပေါ်မည်။ အဝတ်အထည်သစ်ဝင်မည်။ နေအိမ်ရှေ့မှာ ကျီးသာပါက ‘၃’ အစ ‘၆’ အဆုံး အစိုးရထီထိုးပါ။ စပ်တူရှယ်ယာလုပ်ငန်းပေါ်မည်။ တင်ဒါ၊ ပါမစ် အပြိုင်အဆိုင်ကိစ္စမှာ ညစ်ပတ်ခံရမည်။ တယ်လီဖုန်းပျောက်မည်။ ရွှေလုပ်ငန်းမှာ အကျိုးအမြတ်ရမည်။ နိုင်ငံခြားငွေအတွက် သောကရောက်မည်။ အမှုဟောင်းရှိပါက အမှုနိုင်မည်။ ပညာရေးမှာ ကြိုးစားမှု အားနည်းနေပါသည်။ ကျန်းမာရေးအနေဖြင့် အာရုံကြောအားနည်းသည့် ရောဂါအနည်းငယ်ဖြစ်မည်။ အချစ်ရေးမှာ ချစ်သူ၏ ကတိမတည်မှုကြောင့် စိတ်ညစ်ရမည်။ အိမ်ထောင်ရေးမှာလည်း အိမ်ထောင်ဘက်၏ ဆူပူမှုကိုခံရမည်။   ကံကောင်းသောဂဏန်းများမှာ ၃၊ ၆၊ ၈ ဂဏန်းများ ဖြစ်ပါသည်။ ကံကောင်းသောအရောင်မှာ လိမ္မော်ရောင် ဖြစ်ပါသည်။   ယတြာ။ ။ စနေနေ့တွင် နေအိမ်ဘုရားစင်မှာ မြေဇာ ၉ ညွန့်၊ အုန်း ၉ ညွန့်၊ ရွက်လှ ၉ ညွန့် လှူပါ။     Credit: mintheinkha
Thursday, 10 September 2020 15:14

သင့်ကို နှလုံးရပ်သွားအောင်လုပ်မယ့် Arkansas စုံတွဲ မင်္ဂလာဆောင်ဓာတ်ပုံများ

Arkansas လို့ခေါ်တဲ့ စုံနှစ်ယောက်ရဲ့ မင်္ဂလာဆောင်ဓာတ်ပုံတွေက သင့်အတွက် ရင်သပ်ရှုမောစရာ ကောင်းမှာတော့ အသေအချာပါဘဲ။
Wednesday, 09 September 2020 14:18

Yulhee နဲ့ Minhwan တို့ရဲ့ အမှတ်တရ နေ့ရက်များ

အသက်ငယ်ငယ်ရွယ်ရွယ် အောင်မြင်နေတဲ့ idol တစ်ဦးအဖြစ် ရပ်တည်နေတုန်း အိမ်ထောင်ပြုခဲ့တာကြောင့် ဝေဖန်မှုတွေခံခဲ့ရပါတယ်။
Tuesday, 08 September 2020 11:40

တစ်ပတ်စာ သင့်ကံကြမ္မာ

တစ်ပတ်စာ သင့်ကံကြမ္မာ စက်တင်ဘာလ (၇) ရက်နေ့ မှ (၁၃)ရက်နေ့ထိ
Monday, 07 September 2020 10:33

ခင်ပွန်းဖြစ်သူနဲ့ ကွာရှင်းတော့မယ့် မင်းသမီး Hwang Jung Eum

၁၉၈၅ခုနှစ် ဇန်နဝါရီလ ၂၅ရက် နေ့တွင် မွေးဖွားခဲ့သော မင်းသမီး Hwang Jung-eum (အသက် ၃၅နှစ်) က ကိုရီးယားနိုင်ငံရဲ့ Drama Queen တစ်ယောက်ဖြစ်ပါတယ်။
Thursday, 03 September 2020 16:30

အရောင်တွေကပြောတဲ့ အဓိပ္ပါယ် အပိုင်း(၁)

ခုနောက်ပိုင်းမှာတော့ Wedding Dress ကို အရောင်မျိုးစုံနဲ့ လှသထက်လှအောင် ဝတ်ဆင်လာကြပါတယ်။
Tuesday, 01 September 2020 11:20

အသက် ၈၀ ကျော် အရွယ်မှ မင်္ဂလာပြန်ဆောင်ကျတဲ့ အဖိုးနဲ့ အဖွား

ချစ်စစ်တစ်ခုဆိုသည်မှာ အမြဲ ထာ၀ရတည်မြဲနေတာပါပဲ တချို့တကယ်ချစ်တဲ့ သူတွေဆို အသက်အရွယ်‌ကဘယ်လောက်ပဲကြီးကြီး တစ်ဦးကိုတစ်ဦးချစ်နေတာပါပဲ။
Monday, 31 August 2020 15:10

၂၀၂၀ခုနှစ် ၊ စက်တင်ဘာလအတွက် ၇ရက်သား၊ သမီး ကံကြမ္မာ

Wedding Guide ရဲ့ စာဖတ်ပရိတ်သတ်များအတွက် ၂၀၂၀ခုနှစ် ၊ စက်တင်ဘာလအတွက် ၇ရက်သား၊ သမီး ဗေဒင် မျှဝေပေးလိုက်ပါတယ်နော်။ တနင်္ဂနွေ ဒီလမှာလုပ်ငန်းသစ်၊တာဝန်သစ်တွေပြုလုပ်ရမယ်။ အလှူကိစ္စ၊မင်္ဂလာကိစ္စတွေရှိမယ်။ မင်္ဂလာရက်ရွှေ့ရတာမျိုးလဲကြုံမယ်။ သင်တန်းတွေလဲတက်ရမယ်။ လူမျိုးခြားအကျိုးပေးရှိသလိုနိုင်ငံခြားလဲအကျိုးပေးမယ်။ ရှယ်ယာလုပ်ငန်းမှာဝင်ထားတဲ့သူများအမြတ်ငွေရမယ်။ ပစ္စည်းများအမြတ်အစွန်းရမယ်။ စာချုပ်စာတမ်းလက်မှတ်ထိုးတာတော့သတိပြုပါ။ အောက်လက်ငယ်သားကြောင့်စိတ်အနှောင့်အယှက်တွေ့ရမယ်။ စက်ပစ္စည်းတော့အသစ်မဝယ်ပါနှင့်။ဝယ်လျှင်စိတ်ညစ်ရမယ်။ လွတ်လပ်သောလူပျို၊အပျိုများအိမ်ထောင်ကျတတ်တယ်။ ပျော်ရွှင်ရမယ့်အိမ်ထောင်ကျတတ်တယ်။ ပျော်ရွှင်ရမယ့်အိမ်ထောင်ရေးဖြစ်မယ်။ အစာမှား၊ဆေးမှားတွေကြုံတတ်တယ်။ အစာအိမ်ရောဂါသတိထားပါ။ ကံကောင်းစေတဲ့အရောင်မှာအနီရောင်ဖြစ်ပြီးအကျိုးပေးဂဏန်းမှာ ၉ ၊ ၂ ၊ ၀ ဖြစ်ပါတယ်။   ယတြာ။ ။ သရက်သီး ၆ လုံးဘုရားလှူပါ။   တနင်္လာ   စပ်တူလုပ်ငန်းများလုပ်ကိုင်ပါကအောင်မြင်မယ်။ အင်္ဂါသားနှင့်စပ်တူလုပ်ငန်းအဆင်ပြေမယ်။ ရွှေဝယ်ယူရာမှာလူလိမ်တာမျိုးဖြစ်တတ်တယ်။မိတ်ဆွေသတိထားပါ။ ငွေဝင်သော်လည်းအဖတ်မတင်ဘဲဖြစ်နေမယ်။ ရေလမ်းခရီးသွားရလျှင်သတိပြုပါ။အန္တရာယ်ဖြစ်တတ်တယ်။ အပေါင်းအသင်းမိန်းမတစ်ဦးကြောင့်အမှုကိစ္စကြုံတတ်တယ်။ ကားလုပ်ငန်း၊ကျောက်လုပ်ငန်းများစတင်လှုပ်ရှားလျှင်အဆင်ပြေမယ်။ ငွေကြေးကိစ္စအာမခံပေးခြင်းရှောင်ပါ။ အလောတကြီးဆုံးဖြတ်တာမျိုး၊ဒေါသတကြီးလုပ်တာမျိုးတွေရှောင်ပါ။ ပရဟိတလုပ်ငန်းများလုပ်ကိုင်နေရမယ်။ အချစ်ရေးအိမ်ထောင်ရေးမှာစိတ်ညစ်ရတတ်တယ်။ ကျန်းမာရေးဝမ်းပျက်၊ဝမ်းလျှောဖြစ်တတ်တယ်။ ကံကောင်းစေသောအရောင်မှာ အဝါနုရောင်ဖြစ်ပြီး အကျိုးပေးဂဏန်းမှာ ၀ ၊ ၃ ၊ ၁ ဖြစ်ပါတယ်။   ယတြာ။ ။ရေလှူပါ။   အင်္ဂါ   ဒီလထဲမှာသွပ်၊သံ၊သစ်ကိစ္စတွေအောင်မြင်မယ်။ ရောင်းမှား၊ဝယ်မှားမဖြစ်အောင်တော့သတိထားပါ။ တရားမဝင်လုပ်ငန်းများဖြစ်သောလောင်းကစားလုပ်ငန်း၊မူးယစ်ဆေးလုပ်ငန်းများသတိပြုပါ။ လုပ်ငန်းများအောင်မြင်သော်လည်းငွေကြေးအကျပ်အတည်းတွေ့နေမယ်။ ရွှေဝင်မယ်။လူဝင်မယ်။ရွှေနှင့်လူရွေးယူပါ။ကြိုက်တာကောင်းတာကတော့လူဝင်လျှင်အကျိုးပေးမယ်။ ဘာသာရေးများများလုပ်ပါ။အထက်လူကြီးအကူအညီရမယ်။ ဘုရားပုံတော်များကြွလာခဲ့လျှင်ထီထိုးပါ။ အကူအညီတောင်းသူများရှိလျှင် ကူညီပေးပါ။ကိုယ့်အတွက်တဖက်က အဆင်ပြေလိမ့်မယ်။ချစ်သူ၊အိမ်ထောင်ဖက်အပေါ်လဲသစ္စာရှိပါ။ဦးခေါင်းပိုင်း ၊အာရုံကြောပိုင်းနှင့်ပတ်သတ်ပြီးရောဂါရတတ်တယ်။ ကံကောင်းစေသောအရောင်မှာအညိုရောင်ဖြစ်ပြီးအကျိုးပေးဂဏန်းမှာ၁ ၊ ၄ ၊ ၂ ဖြစ်ပါတယ်။   ယတြာ။ ။ အုန်းထမင်းလှူပါ။   ဗုဒ္ဓဟူး   ဒီရက်ပိုင်းမှစတင်ပြီးလုပ်ငန်းများပြန်လည်အဆင်ပြေလိမ့်မယ်။ အဝေးရောက်နေသောဆွေမျိုးများနှင့်ပြန်လည်ဆုံစည်းရမယ်။ ဆန်၊ဆီ၊ဆေး၊စက်၊စိန်စသောလုပ်ငန်းရှင်များအဆင်ပြေမယ်။ အဖိုးတန်ပစ္စည်းဝင်မယ်။(သို့)ငွေနှစ်ပတ်အတွင်းအစုံလိုက်ဝင်မယ်။ငွေဝင်ရင်အလှူပြန်လုပ်ပါ။ဘာသာရေးများများလုပ်ပါ။ ဝန်ထမ်းများမနာလိုလူရဲ့အတိုက်အခိုက်ရှိတယ်။ အထက်လူကြီးစောင့်ရှောက်မယ်။ဒေါသလျော့၍ပေါင်းသင်းဆက်ဆံပါ။ ကျန်းမာရေးအနေဖြင့်အစာအိမ်ရောဂါဟောင်းပြန်ဖြစ်တတ်တယ်။ အစာမှား၊ဆေးမှားကြုံတတ်တယ်။ အိမ်ထောင်ဖက်ချစ်သူကြောင့်ဝမ်းသာပျော်ရွှင်ရမယ်။ ကံကောင်းစေသောအရောင်မှာ အစိမ်းနုဖြစ်ပြီး အကျိုးပေးဂဏန်းမှာ ၂ ၊ ၅ ၊ ၃ ဖြစ်ပါတယ်။   ယတြာ။ ။ ငါးစာ ၊ ခိုစာ ကျွေးပါ။   ကြာသပတေး ဝန်ထမ်းများနှင့်ပတ်သတ်ပြီးတစ်ခုမှာချင်တာကတော့ခရီးဝေးသွားရတဲ့ရေလမ်းခရီးပါတဲ့ဝန်ထမ်းများအထူးသတိပြုစေချင်ပါတယ်။အန္တရယ်နှင့်ကြုံတတ်တယ်။ ဘုရားဂုဏ်တော်များပွားများပါ။ငွေကြေးကိစ္စကမမျှဖြစ်နေမယ်။ ငွေရှာရတာတော့လွယ်မယ်။ပြန်ကုန်တာလဲမြန်မယ်။ စက်ပစ္စည်းပျက်တာမျိုးကြုံမယ်။ ဆန်၊စက်၊ကားအနည်းငယ်အရောင်းအဝယ်အေးမယ်။ သူတပါးကိုအာမခံပေးခြင်းရှောင်ပါ။ လူမျိုးခြားအကျိုးပေးမယ်။ ကိုယ့်အထက်အရာရှိအပြောင်းအရွှေ့ကြုံမယ်။ လောင်းကစားလုပ်ငန်း၊လယ်ယာ၊ရွှေ၊ရေလုပ်ငန်းများအဆင်ပြေမယ်။ အိမ်ထောင်ဖက်ချစ်သူနှင့်ပတ်သက်ပြီးမကောင်းသတင်းကြားရမယ်။ စိတ်ညစ်ရတတ်တယ်။ ကျန်းမာရေး လည်ချောင်းနာတာ ၊ လေအောင့်တာမျိုးကြုံမယ်။ ကံကောင်းစေသော အရောင်မှာ အဖြူရောင်ဖြစ်ပြီး အကျိုးပေးဂဏန်းမှာ ၃ ၊ ၆ ၊ ၄ ဖြစ်ပါတယ်။   ယတြာ။ ။ စံပယ် ၃ ကုံးဘုရားလှူပါ။   သောကြာ   ရပ်ဝေးခရီးသွားရတတ်တယ်။နိုင်ငံခြားခရီး၊နိုင်ငံခြားလူမျိုးအကျိုးပေးမယ်။ ထီကံစမ်းပါ။ထီပေါက်တာမျိုး၊အမွေရတာမျိုးကြုံမယ်။ ဝန်ထမ်းများသင်တန်းတက်ရတာ၊ရာထူးရတာမျိုးဖြစ်မယ်။ ကောင်းသောပြောင်းလဲခြင်းတွေနဲ့ကြုံမယ်။ သွပ်၊သံ၊သစ်သီးလုပ်ငန်းရှင်များအရောင်းအဝယ်ကောင်းမယ်။ လောဘတော့မကြီးပါနှင့်။ရေရှည်ကြည့်ပါ။ ငွေကြေးကိစ္စတွေမှာလူလိမ်နှင့်တွေ့တတ်ပါတယ်။သတိထားပါ။ ဆရာ၊ဆရာမများမျက်နှာပွင့်လန်း၊ငွေရွှင်မယ်။ပင်ပန်းမယ်။ မြေကိစ္စမိန်းမတစ်ဦးအကူအညီနဲ့အဆင်ပြေမယ်။ အိမ်ထောင်ရေးအချစ်ရေးမှာကြားလူနှောင့်ယှက်တတ်တယ်။ မျက်စိ၊ဝမ်းဗိုက်နှင့်ပတ်သက်ပြီးခွဲစိတ်ရတာမျိုး ကြုံမယ်။ ကံကောင်းစေသော အရောင်မှာ လိမ္မော်ရောင်ဖြစ်ပြီး အကျိုးပေးဂဏန်းမှာ ၄ ၊ ၇ ၊ ၅ ဖြစ်ပါတယ်။   ယတြာ။ ။ ရေသက်စေ့လှူပါ။   စနေ   လုပ်ငန်းနှင့်ပတ်သက်သောစာရင်းဇယားများရဲ့အရှုပ်အရှင်းရှင်းလင်းရလိမ့်မယ်။ စက်ပစ္စည်းဝင်မယ်။ ငွေချေးငှားခြင်းရှောင်ပါ။အာမခံပေးခြင်းမလုပ်ပါနှင့်။ လုပ်ငန်းသစ်များတာဝန်သစ်များထမ်းဆောင်ရတတ်တယ်။ အဆင်ပြေမယ်။ မိတ်ဆွေသစ်ရမယ်။ ကိုယ့်အပေါ်ကူညီမဲ့သူဖြစ်မယ်။ စပ်တူရှယ်ယာလုပ်ငန်းများမှငွေကြေးအမြတ်အစွန်းရမယ်။ ခရီးသွားရလျှင်ခရီးမှာကျန်းမာရေးညံ့တတ်တယ်။ ရွှေနှင့်ပတ်သက်ပြီးသတိပြုပါ။ လူလိမ်ခံရတတ်တယ်။ ချစ်သူအိမ်ထောင်ဖက်ရဲ့ကူညီမှုကြောင့်ကိုယ့်ရဲ့အခက်အခဲတွေအဆင်ပြေသွားမယ်။ ကျန်းမာရေးအသည်း၊အာရုံကြောနှင့်ပတ်သက်ပြီးအညံ့ရှိမယ်။ ကံကောင်းစေသောအရောင်မှာအနီရောင်ဖြစ်ပြီး အကျိုးပေးဂဏန်းမှာ ၅ ၊ ၈ ၊ ၆ ဖြစ်ပါတယ်။   ယတြာ။ ။ မုန့်ဖက်ထုပ် ၅ ထုပ်လှူပါ။   Source: 1879