မင်္ဂလာပွဲနေ့မှာ သတို့သား၊ သတို့သမီး၊ မိသားစုဝင်တွေနဲ့တက်ရောက်လာကြတဲ့ ဧည့်ပရိသတ်တွေ
အားလုံးကလှပပြီး တကယ့်ကိုကျက်သရေမင်္ဂလာအပေါင်းနဲ့ပြည့်စုံနေကြမှာပါ။ ဒီတော့ပြည့်ပြည့်စုံစုံ လှလှပပ ပြင်ဆင်ပြီး လာကြမယ့် ဧည့်ပရိသတ်တွေနဲ့အတူ အမှတ်တရဓါတ်ပုံ မှတ်တမ်းတင်ထားဖြစ်ကြမှာပါ။ ပွဲနေ့ဓါတ်ပုံမှတ်တမ်းတင်ပြီး တချို့တွေဓါတ်ပုံရလာမှ စိတ်တိုင်းမကျတာတွေဖြစ်တတ်ပါတယ်။ အဲဒီလိုမဖြစ်ဘဲ ပွဲနေ့ဓါတ်ပုံတိုင်းလှနေဖို့ ရှောင်ရမှာတွေ ပြောပြမယ်နော်။
ဓါတ်ပုံရိုက်ဖို့ နေရာကြိုတင်မပြင်ဆင်ထားတာ
မင်္ဂလာပွဲနေ့မှာ ဓါတ်ပုံကောင်းကောင်းရဖို့အတွက် အရင်ဆုံးရိုက်မယ့်နေရာကို ကြိုတင်ပြင်ဆင်ပါ။ ခုနောက်ပိုင်းမင်္ဂလာပွဲတွေမှာ Photo Booth လေးတွေထားပေးထားကြပါတယ်။ Photo booth နေရာကလည်း အလင်းရောင် ကောင်းကောင်းရရမှာဖြစ်တဲ့အပြင် အပြင်အဆင်တွေလည်းလှနေဖို့လိုပါတယ်။ ဒါမှ ဓါတ်ပုံထဲမှာအပြင်အဆင်ရော လူပုံတွေပါ ကြည်ကြည်လင်လင် လှလှပပ ဖြစ်နေမှာပါ။
အချိန်ကွက်တိလုပ်တာ
ပုံကောင်းကောင်းရချင်တယ်ဆိုရင် ဓါတ်ပုံရိုက်မယ့်အချိန်ကို ကွက်တိဖြစ်အောင်စီစဉ်တာမျိုးမလုပ်ပါနဲ့နော်။ ပွဲနေ့မှာမိတ်ကပ်လိမ်းတဲ့ပုံ၊ ဝတ်စုံအပြည့်ပို့စ်အမျိုးမျိုးရိုက်ခွင့်ရဖို့ဆိုရင်တော့ အချိန်ပိုရမှဖြစ်မှာပါ။ ဒါကြောင့် အချိန်ကွက်တိ လုပ်တာမျိုး မလုပ်ပါနဲ့နော်။
စိတ်မရှည်တာ
စုံတွဲလေးတို့ရေ မင်္ဂလာပွဲမှာဧည့်ခံရတာတွေ၊ ပင်ပန်းခဲ့ရတာတွေကြောင့် ပွဲမြန်မြန်ပြီးဆုံးဖို့ကိုပဲအာရုံစိုက်နေမိတတ်ပါတယ်။ တကယ်တော့ ပုံကောင်းကောင်းရချင်တယ်ဆိုရင်စိတ်ရှည်ဖို့လိုပါတယ်။ ပွဲနေ့မှာ ဘယ်လောက် ပင်ပန်းပင်ပန်း အလုပ်များများ စိတ်ရှည်လက်ရှည် ဓါတ်ပုံအရိုက်ခံပါနော်။ တချို့သတို့သားလေးတွေကသိပ်စိတ်မရှည်တော့ မြန်မြန်ရိုက်နော် ဒီတစ်ပုံနောက်ဆုံးနော် အစရှိသလို သိပ်မရိုက်ချင်ကြပါဘူး။ များများလေး ရိုက်ထားမှသာ ပုံထုတ်ဖို့ ပုံရွေးတဲ့အခါအဆင်ပြေမှာပါနော်။
မပြုံးတာ
သတို့သား၊ သတို့သမီးလေးတို့ရေ မင်္ဂလာပွဲမှာလှလှလေးပြုံးပြတတ်ဖို့ အရမ်းအရေးကြီးပါတယ်။ ပွဲကျင်းပနေချိန်တစ်လျှောက်လုံး အလှဆုံးပြုံးထားပါနော်။ ဒါမှပွဲနေ့ဓါတ်ပုံထဲမှာ လှလှလေးဖြစ်နေနိုင်မှာပါ။ အရယ်အပြုံးနည်းတာ ရှောင်ပါ။
မင်္ဂလာပွဲနေ့ ဓါတ်ပုံရလာပြီးမှ စိတ်ညစ်တာတွေ မဖြစ်စေဖို့ ရှောင်ရမယ့် အချက်တွေ သိပြီးပြီဆိုရင်တော့ ကြိုတင်ပြင်ဆင်ထားလို့ ရပြီပေါ့နော်။
Credit : Marry
